مەملەكەت باسشىسىنىڭ وكىمىمەن سەرىك ءجۇسىپ ۇلى سۇلەيمەنوۆ قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى قىزمەتىنە تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى.
سەرىك سۇلەيمەنوۆ 1966 جىلى الماتى قالاسىندا دۇنيەگە كەلگەن. 1990 جىلى س. كيروۆ اتىنداعى قازاق مەملەكەتتىك ۋنيۆەرسيتەتىن «ماتەماتيك» ماماندىعى بويىنشا ۇزدىك ءبىتىردى, 1997 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا سىرتتاي ءبىتىردى. ەڭبەك جولىن 1992 جىلى «كازكوممەرتسبانك» اق-دا باستادى, زاڭ قىزمەتىنىڭ باستىعى بولىپ جۇمىس ىستەدى.
1997-2003 جىلدارى «مەملەكەتتىك جيناقتاۋشى زەينەتاقى قورى» اق باس ديرەكتورى, «تەمىربانك»اق باسقارما توراعاسىنىڭ ورىنباسارى بولىپ جۇمىس ىستەدى. 2003 جىلدان 2013 جىلعا دەيىن ەنەرگەتيكا سالاسىندا جۇمىس ىستەدى, «قازاقستاندىق كوممۋنالدىق جۇيەلەر» اق پرەزيدەنتى, «ماڭعىستاۋ ەلەكترتوراپتىق ءبولۋ كومپانياسى» اق باسقارما توراعاسى, «قىزىلوردا ەلەكترتوراپتىق ءبولۋ كومپانياسى»اق باسقارما توراعاسى لاۋازىمىندا جۇمىس ىستەدى. مەملەكەتتىك ورگانداردا جۇمىس تاجىريبەسى بار, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى, قازاقستان رەسپۋبليكاسى پرەزيدەنتى اكىمشىلىگىندە ساراپشى, قازاقستان رەسپۋبليكاسى پرەمەر-ءمينيسترى كەڭسەسىنىڭ باس ينسپەكتورى لاۋازىمىندا جۇمىس ىستەگەن.
2015 جىلدان باستاپ قىزىلوردا وبلىسى اكىمىنىڭ ورىنباسارى قىزمەتىن اتقاردى. «قۇرمەت» وردەنىمەن جانە قازاقستان رەسپۋبليكاسىنىڭ مەملەكەتتىك ورگاندارىنىڭ مەدالدارىمەن ماراپاتتالعان. 2019 جىلدىڭ 1 ساۋىرىنەن باستاپ قازاقستان رەسپۋبليكاسى ەنەرگەتيكا مينيسترلىگى اتومدىق جانە ەنەرگەتيكالىق باقىلاۋ جانە قاداعالاۋ كوميتەتىنىڭ توراعاسى قىزمەتىن اتقاردى.
.