قىزىلوردا وبلىسىندا تاعى 3 ادامنىڭ ينفەكتسيا جۇقتىرعانى بەلگىلى بولدى. بۇل تۋرالى وبلىستىق تاۋارلار, قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى حابارلادى.
ۇشەۋى دە سىرداريا اۋدانىندا تىركەلىپ وتىر. ولار كوروناۆيرۋستىق ينفەكتسيا جۇقتىرعان اداممەن قارىم-قاتىناستا بولۋىنا بايلانىستى كارانتيندىك ستاتسيونارعا جاتقىزىلىپ, زەرتحانالىق سىنامالار الىنعان ەكەن. پتر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى.
قازىر ولارمەن ارالاسقان ادامدار انىقتالىپ, بارلىعى مەديتسينالىق باقىلاۋعا الىنىپ, اۋرۋ وشاقتارىندا دەزينفەكتسيالىق جۇمىستار جۇرگىزىلۋدە.
وڭىردە ۆيرۋس جۇقتىرعاندار قاتارى 69 ادامعا جەتتى. ولاردىڭ 35-ءى شيەلى اۋدانىنان تىركەلىپ وتىر. جاڭاقورعان اۋدانىندا 16, قارماقشى مەن سىرداريا اۋداندارىنىڭ ارقايسىسىندا تورتتەن, ارالدا 1, قىزىلوردا قالاسىندا 9 ناۋقاس انىقتالعان.