كەشە تۇندە قىزىلوردا وبلىسىندا COVID-19 ۆيرۋسىن جۇقتىرعانداردىڭ قاتارىنا تاعى 12 ادام قوسىلعانى حابارلانعان ەدى. ولاردىڭ 11-ءى شيەلى, بىرەۋى ارال اۋدانىنان تىركەلىپ وتىر. بۇل تۋرالى وبلىس اكىمدىگى الەۋمەتتىك جەلى ارقىلى حابارلادى.
بارلىعى وسىعان دەيىن ناۋقاس ادامدارمەن قارىم-قاتىناستا بولۋىنا بايلانىستى كارانتيندىك باقىلاۋعا الىنعان ەكەن. قازىر جۇقپالى اۋرۋلار بولىمىنە اۋىستىرىلىپ, حاتتاماعا سايكەس ەم تاعايىندالدى.
وسىمەن ايماقتا كوروناۆيرۋستىق ينفەكتسياعا شالدىققاندار قاتارى 66-عا جەتتى. وسىعان بايلانىستى ءتيىستى ورىندار تۇرعىنداردى توتەنشە جاعداي تالاپتارىن, ساقتىق شارالارىن كۇشەيتۋگە شاقىرادى.