سىبايلاس جەمقورلىققا قارسى كۇرەس جانە الدىن الۋ شارالارىن وتكىزۋ, ونى تۇبەگەيلى جويۋ – مەملەكەت ساياساتىنىڭ باستى باعىتتارىنىڭ ءبىرى. وركەنيەتتى قوعام قۇرۋ ءاربىر ادامنىڭ مىندەتىنە جاتاتىندىقتان, قوعامدا ادىلدىك, پاراساتتىلىق, سەنىم ۇستانىمىن العا تارتۋ – مەملەكەتتىك ورگانداردىڭ عانا ەمەس, ەلدەگى ازاماتتاردىڭ دا پارىزى.
قازىرگى تاڭدا سىبايلاس جەمقورلىقتى تۇبەگەيلى جويۋ شارالارىن جۇزەگە اسىرۋعا قاتىسۋعا دايىن ازاماتتار سانى ارتۋدا. ىزگىلىكتى تۋ ەتكەن قوعام بەلسەندىلەرى دە بۇقاراعا جاقىن بولۋعا ۇمتىلىپ جاتىر. ءوز كەزەگىندە دەپارتامەنت جانىنان قۇرىلعان «ماڭعىستاۋ – ادالدىق الاڭى», ارنايى مونيتورينگتىك توپ پەن اقپاراتتىق-اعارتۋ شتابى قۇرامىنداعى قوعام بەلسەندىلەرى ازاماتتارعا كومەك بەرىپ, قىزمەت كورسەتىپ وتىر. ەل پرەزيدەنتى ق.توقاەۆتىڭ حالىققا جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ماقساتىندا رەسپۋبليكا بويىنشا بارلىق دەپارتامەنت جانىنان «ANTIKOR ORTALYǴY» اشىلىپ, ءوز قىزمەتتەرىن باستاپ كەتتى.
اتالعان ورتالىق ماڭعىستاۋ وبلىسىندا دا حالىق يگىلىگى ءۇشىن پايدالانۋعا بەرىلدى. اشىلعانىنا از عانا ۋاقىت وتسە دە ورتالىق حالىقتىڭ ەمىن-ەركىن پىكىر الماسىپ, كەلەلى ماسەلەلەردى شەشۋ ماقساتىندا كەڭەسۋ الاڭىنا اينالىپ وتىر. وسى ورايدا قوعاممەن بايلانىستى نىعايتۋ جولىندا ANTIKOR ORTALYǴY اپتانىڭ ءار كۇنىندە ازاماتتاردىڭ ارىز-شاعىمدارى بويىنشا قابىلداۋ وتكىزىپ, اي سايىن قۇقىقتىق كەڭەس بەرىپ وتىرادى. اتالعان قىزمەت اياسىندا «حالىق زاڭگەرى» جانە «ادال كومەك» اكتسيالارى ءداستۇرلى تۇردە جۇرگىزىلەدى. ANTICOR ORTALYǴY اشىلعاننان باستاپ اكتسيالار بويىنشا 19 ازاماتتىڭ ماسەلەسى قارالدى جانە كەڭەس بەرىلدى.
سىبايلاس جەمقورلىقتى جويۋ ءىس-ارەكەتتەرى حالىقپەن بىرلەسە وتىرىپ جۇرگىزىلگەندە عانا ناتيجەلى بولادى. وسىعان وراي, مەملەكەتتىك جانە كۆازيمەملەكەتتىك مەكەمەلەردىڭ باسشىلارى مەن جەكە قۇرامدارى سىبايلاس جەمقورلىققا توزبەۋشىلىكتى كورسەتەتىن مىنەز-ق ۇلىقتاردى قالىپتاستىرۋ جانە نىعايتۋعا باعىتتالعان سەمينارلارىمىزعا قاتىسادى, كوكەيلەرىندەگى سۇراقتارعا جاۋاپ الادى. وسىلايشا, ىزگى قوعامنىڭ باستى شارتى «ادالدىق», «ادام قۇقىعى مەن بوستاندىعى», «ار» جانە «ادامگەرشىلىك» قۇندىلىقتارىن الدىڭعى ورىنعا شىعارۋعا اتسالىسامىز.
ۇلتتىڭ بولاشاعى مەن قوزعاۋشى كۇشى جاستار بولعاندىقتان, ولاردىڭ سىبايلاس جەمقورلىققا قارسى ساناسىن قالىپتاستىرۋعا ءتيىستىمىز. جىل باسىنان بەرى وڭىردەگى جوو مەن كوللەدجدەردە وقيتىن جاس بۋىندار ءۇشىن جەمقورلىقتىڭ تەرىس سالدارىن ءتۇسىندىرۋ مەن ءوز قۇقىقتارىن قورعاي الۋعا داعدىلاندىرۋ ماقساتىندا كەزدەسۋلەر مەن ءىس-شارالار ۇيىمداستىرىلىپ وتىر. ماسەلەن, وبلىس بويىنشا ءبىلىم بەرۋ ۇيىمدارىندا 112 «ادالدىق دۇكەنى» جۇمىس ىستەپ تۇر. بۇل جوبا جاستاردىڭ وزدەرىن ادال ادام رەتىندە تانۋعا مۇمكىندىك بەرەدى جانە ءادىل ءارى سەنىمدى قوعام قۇرۋعا ىقپال ەتە الادى.
سىبايلاس جەمقورلىقتى تۇبەگەيلى جويۋ – ءاربىر ازاماتتىڭ مىندەتى. وسى ماقساتتا قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ ءۇشىن بىرلەسىپ جۇمىس اتقارۋ ماقساتىندا وبلىستىق ءبىلىم باسقارماسى, تاۋارلار جانە قىزمەت ساپاسى مەن قاۋىپسىزدىگىن باقىلاۋ دەپارتامەنتى, «ماڭعىستاۋ-مەديا» جشس, ادىلەت دەپارتامەنتى مەموراندۋمعا قول قويىپ, بىرگە ءىس-شارالار اتقارىپ كەلەدى. ءبىز اتالعان ءىس-شارالاردى جۇزەگە اسىرۋ جانە قوعامدا سىبايلاس جەمقورلىققا مۇلدەم توزبەۋشىلىك پوزيتسياسىن ۇستانۋ ارقىلى سىبايلاس جەمقورلىق جەڭەمىز دەپ سەنەمىن.
بولات جىلقىباەۆ,
سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ باسشىسى
ماڭعىستاۋ وبلىسى