قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا قىزىلوردا وبلىسى اكىمىنىڭ وكىمىمەن احمەت سەرىك ءابجالى ۇلى وبلىس اكىمىنىڭ ورىنباسارى قىزمەتىنە تاعايىندالدى.
سەرىك ءابجالى ۇلى 1961 جىلى تۋعان. قاراعاندى مەملەكەتتىك ۋنيۆەرسيتەتىن «تاريح» ماماندىعى بويىنشا ۇزدىك بىتىرگەن.
ەڭبەك جولىن 1978 جىلى جەزقازعان وبلىسىنداعى «وكتيابردىڭ 40 جىلدىعى» اتىنداعى كەڭشار جۇمىسشىسى رەتىندە باستاعان. ءار جىلدارى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى, پرەزيدەنت اكىمشىلىگى ىشكى ساياسات ءبولىمىنىڭ سەكتور مەڭگەرۋشىسى, مەملەكەتتىك حاتشى حاتشىلىعىنىڭ مەڭگەرۋشىسى جانە پرەمەر-مينيستر كەڭسەسى باسشىسىنىڭ ورىنباسارى قىزمەتتەرىن اتقارعان.
وسى قىزمەتكە دەيىن «مەملەكەتتىك الەۋمەتتىك ساقتاندىرۋ قورى» اكتسيونەرلىك قوعامى باس ديرەكتورىنىڭ ورىنباسارى قىزمەتىن اتقارعان.
سەرىك ءابجالى ۇلى ايماقتىڭ ىشكى ساياسات, جاستار ماسەلەسى, مادەنيەت پەن سپورت جانە جۇمىلدىرۋ دايىندىعى سالالارىنا جەتەكشىلىك جاساپ, وبلىس اكىمدىگى مەن قۇقىق قورعاۋ ورگاندارى اراسىنداعى ءوزارا ءىس-قيمىلدى جۇزەگە اسىرادى.
بۇگىننەن باستاپ وبلىس اكىمىنىڭ قۇرىلىس, ەنەرگەتيكا, تۇرعىن ءۇي جانە كولىكتىك ينفراقۇرىلىمدى دامىتۋ سالالارىنا جەتەكشىلىك ەتەتىن ورىنباسارى دا اۋىستى.
قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وبلىس اكىمىنىڭ وكىمىمەن بۇل قىزمەتكە سۇلەيمەنوۆ سەرىك ءجۇسىپ ۇلى تاعايىندالىپ وتىر.
سەرىك ءجۇسىپ ۇلى 1966 جىلى تۋعان. س.م. كيروۆ اتىنداعى قازاق مەملەكەتتىك ۋنيۆەرسيتەتىن «ماتەماتيكا» جانە «زاڭتانۋ» ماماندىقتارى بويىنشا بىتىرگەن.
قازاقستان رەسپۋبليكاسى پرەزيدەنتى اكىمشىلىگىندە, قازاقستان رەسپۋبليكاسى پرەمەر-ءمينيسترى كەڭسەسىندە جانە كۆازيمەملەكەتتىك سەكتورلاردا جاۋاپتى باسشىلىق قىزمەتتەرىن اتقارعان.
سوڭعى جىلدارى قىزىلوردا وبلىسى اكىمىنىڭ ورىنباسارى, 2019 جىلدىڭ ءساۋىر ايىنان باستاپ وسى كەزگە دەيىن ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ توراعاسى بولدى.