اتىراۋ مۇناي وڭدەۋ زاۋىتىندا سانيتارلىق رەجيم كۇشەيتىلىپ, زاۋىتتىڭ اكىمشىلىك-تۇرمىستىق عيماراتتارى مەن اۋماعىندا دەزينفەكتسيالىق جۇمىستار جۇرگىزىلۋدە.
«كوروناۆيرۋس ينفەكتسياسىنىڭ الدىن الۋ ماقساتىندا ءاموز-دە سانيتارلىق رەجيم كۇشەيتىلىپ, زاۋىت اۋماعى مەن اكىمشىلىك-تۇرمىستىق عيماراتتاردى زالالسىزداندىرۋ جۇمىستارى جۇرگىزىلۋدە. بۇل ءۇشىن 5 ەلەكتر اپپاراتتى, 40 كگ-عا جۋىق حيميالىق رەاگەنتتەر, ارنايى كيىمنىڭ 80 دانا جيىنتىعى مەن بەتپەردەلەر ساتىپ الىندى. زاۋىتقا كلينينگتىك قىزمەت كورسەتەتىن مەردىگەرلىك ۇيىمدار – «ايZA-سەرۆيس» جانە «گازسترويپروەكت جشس-تەرىنىڭ قىزمەتكەرلەرىنەن 5 بريگادا قۇرىلدى. زالالاسىزداندىرۋشىلارعا زاۋىت اۋماعىندا ءجۇرىپ-تۇرۋ ءۇشىن ارنايى كولىك ءبولىندى. سونىمەن قاتار, بارلىق عيماراتتار مەن بولمەلەردە, ادامدار كوپ شوعىرلاناتىن ورىنداردا دەزينفەكتسيالىق قۇرالداردى پايدالانىپ, ىلعالدى تازالىق جۇمىستارىن جۇرگىزۋ جيىلەدى» -دەپ حابارلادى كاسىپورىننىڭ ءباسپاسوز قىزمەتى.
سونداي-اق زاۋىتقا ەكى كىرە بەرىستە اۋىسىم پەرسونالىنىڭ دەنە تەمپەراتۋراسىن كۇندەلىكتى ولشەۋ ماقساتىندا تەپلوۆيزورلار ورناتىلىپ, 20 ديستانتسيالىق قىزۋ ولشەگىشتەر ساتىپ الىندى. سانيتارلىق توراپتار, تاماقتانۋ بولمەلەرى, وپەراتورلار بولمەسى جانە ۇنەمى ادامدار جينالاتىن باسقا دا ورىندار انتيسەپتيكالىق قۇرالدارى بار دوزاتورلارمەن قامتاماسىز ەتىلدى.
قازىر كاسىپورىندا جۇمىسشىلارى ءۇشىن ساتىپ الىنعان 36 000 مەديتسينالىق ماسكا, «3م» ماركالى 20 000 رەسپيراتور, 780 ليتر انتيسەپتيكالىق قۇرالداردىڭ 127 داناسى, 50 مل جەكە انتيسەپتيكالىق گەلدەردىڭ 500 داناسى بار. بۇگىنگە دەيىن وندىرىستىك ەمەس سەكتور قىزمەتكەرلەرىنىڭ 86% قاشىقتان جۇمىس ىستەۋگە كوشىرىلدى.
جۇماسات عازيز