اتىراۋ وبلىسىندا بلوك-بەكەتتەردى اينالىپ وتۋگە ۇمتىلعان التى ادامنىڭ ءبىرى وزبەكستان رەسپۋبليكاسىنىڭ ازاماتى ەكەن.
«اتىراۋدا 2 ساۋىردە تۇنگى 00.30 شاماسىندا وزبەكستان رەسپۋبليكاسىنىڭ 1986 جىلى تۋعان ازاماتى المالى-تالدىكول سەلولارى اراسىنداعى قارا جولدان يندەر اۋدانى باعىتىنا جاياۋ وتپەكشى بولعان. ۇستالعان ازاماتقا قاتىستى قر اكىمشىلىك قۇقىقبۇزۋىشىلىق تۋرالى كودەكسىنىڭ 476-بابىنا سايكەس حاتتاما تولتىرىلدى. سوت قاۋلىسىمەن شەتەل ازاماتى بەس تاۋلىك قامالدى» - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
پوليتسيا قىزمەتكەرلەرى كەشە تاڭەرتەڭگى ساعات 08.20-دا المالى بلوك-بەكەتىنەن تىسقارى قارا جولمەن كەلە جاتقان «Toyota Camry» كولىگىن توقتاتقان. كولىكتى باسقارعان 1987 جىلعى جۇرگىزۋشىگە توتەنشە جاعداي رەجيمىن بۇزعانى ءۇشىن حاتتاما تولتىرىلىپ, ول اتىراۋ قالاسىنىڭ مامانداندىرىلعان اكىمشىلىك سوتىمەن قاۋلىسىمەن 3 تاۋلىككە قاماۋعا الىندى.
سونداي-اق بلوك-بەكەتتەرگە سوقپاي, قيالاي وتەتىن قارا جولدا ۇستالعان ءتورت كولىك جۇرگىزۋشىسىنە قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكستىڭ 476-بابىمەن حاتتامالار تولتىرىلىپ, ءىس سوتقا جولداندى.
جۇماسات عازيز