اقكولدىڭ قۇس فابريكاسى قولداۋ كورسەتۋدە

اقكول قۇس فابريكاسىندا 100-دەن استام ادام ەڭبەك ەتەدى. 2014 جىلى ءوز جۇمىسىن باستاعان كاسىپورىنعا 2 جارىم ملرد تەڭگە كولەمىندە ينۆەستيتسيا تارتىلعان. اۋەل باستا 5  ملن دانا جۇمىرتقا وندىرگەن كاسىپورىن قازىر ءوندىرىس قۋاتىن 70 ميلليونعا جەتكىزگەن. فابريكانىڭ وڭىردەگى ازىق-ت ۇلىك قاۋىپسىزدىگىن قامتاماسىز ەتۋدە ماڭىزى زور.

–قازىر قۇس سانى 180 مىڭعا جۋىق. بالاپان قوراسىندا 90 مىڭعا جۋىق قۇس وسىرىلۋدە. تاۋلىگىنە 170-160 مىڭعا جۋىق جۇمىرتقا جينايمىز,–دەيدى «ۇشبۇلاق-2005» قۇس فابريكاسى ديرەكتورىنىڭ ورىنباسارى سۇندەت اسقاروۆ.

ماماندار سان قۋىپ, ساپانى نازاردان تىس قالدىرماق ەمەس. مۇندا قۇس ازىعى تەك تابيعي جەم-شوپتەن دايىندالادى. قازىرگى كۇنى اقكولدىڭ بۇل ونىمىنە شەت ەلدەردەن سۇرانىس مول.

–الەمدە ازىق-ت ۇلىككە الاڭداۋشىلىق پايدا بولدى. ءبىزدىڭ ەلىمىزدە بۇعان ەشقانداي نەگىز جوق. قولدان كەلگەنشە ءوڭىر تۇرعىندارىنا قولداۋ تانىتامىز. اقكول قالاسىنا 10 مىڭ دانا جۇمىرتقا جانە كوكشەتاۋ قالاسىنا 34 مىڭ دانا جۇمىرتقا قۇس فابريكاسىنىڭ اتىنان كوپبالالى انالار جانە زەينەتكەرلەرگە, جاعدايى جوق وتباسىلارعا كومەك رەتىندە جىبەرىپ وتىرمىز,–دەيدى «ۇشبۇلاق-2005» قۇس فابريكاسىنىڭ ديرەكتورى ساپارعالي ءابدىرايىموۆ.  

جۇمىرتقا الەۋمەتتىك ماڭىزى بار 19 ازىق-ت ۇلىكتىڭ ءبىرى. استىق نارىعىنداعى باعانىڭتۇراقسىزدىعىنا بايلانىستى جۇمىرتقانىڭ وزىندىك قۇنى وزگەرىپ تۇرادى. كاسىپورىن قازىر جوعارى ساپالى تاۋىق جۇمىرتقاسىنىڭ ءبىر داناسىن 24-26تەڭگەمەن ساۋدالاۋدا. الەۋمەتتىك جاۋاپكەرشىلىگىن جەتە سەزىنگەن كاسىپورىنعا مەملەكەت تاراپىنان قولداۋ دا كورسەتىلىپ وتىر.

–«ۇشبۇلاق-2005» جاۋاپكەرشىلىگى شەكتەۋلى سەرىكتەستىگى بيزنەستى قولداۋدىڭ جول كارتاسىنا» ەنگەن. باعدارلاما اياسىندا كاسىپورىنعا ەلەكتر قۋاتى مەن اۋىز سۋ تارتىلدى, جول توسەلدى. قۇس فابريكاسى ارقاشان الەۋمەتتىك جاۋاپكەرشىلىك تانىتىپ كەلەدى. ەلوردا مەن وبلىس جارمەڭكەلەرىندە تۇرعىندارعا ارزانداتىلعان باعامەن جۇمىرتقا ۇسىنۋدا. الەۋمەتتىك از قامتىلعان ازاماتتارعا تۇراقتى قولداۋ كورسەتەدى,–دەيدى اۋداندىق اۋىل شارۋاشىلىعى ءبولىمى باسشىسىنىڭ ورىنباسارى ۆالەنتينا سيتنيكوۆا.

بۇعان دەيىن وتاندىق قۇس فابريكالارى ءوز ءونىمىنىڭ 50 پروتسەنتىن ەكسپورتقا شىعارىپ كەلگەن. قازىر باسىمدىق, ىشكى نارىققا بەرىلمەك.

اقكول اۋدانى,

اقمولا وبلىسى.