31 ناۋرىز كۇنى ەلىمىزدە كوروناۆيرۋس ىندەتىن جۇقتىرعان تاعى 41 ادام تىركەلدى. اتاپ ايتقاندا, نۇر-سۇلتان قالاسىندا – 9, قىزىلوردا وبلىسىندا – 13, الماتى قالاسىندا 9 جاعداي تىركەلسە, اتىراۋ وبلىسىندا – 3, سولتۇستىك قازاقستاندا – 2, پاۆلودار, اتىراۋ, اقتوبە, اقمولا جانە تۇركىستان وبلىستارىندا 1 ناۋقاستان انىقتالدى.
ياعني قازاقستاندا COVID-19 ينفەكتسياسىن جۇقتىرعان ناۋقاستاردىڭ جالپى سانى 343 ادامعا جەتىپ وتىر. نۇر-سۇلتان قالاسىندا – 178, الماتى قالاسىندا – 82, اتىراۋ وبلىسىندا – 16, قاراعاندى وبلىسىندا – 13, اقمولا وبلىسىندا – 10, اقتوبە, جامبىل جانە سولتۇستىك قازاقستان وبلىستارىندا 3 ناۋقاس انىقتالسا, شىعىس قازاقستان, باتىس قازاقستان وبلىستارى مەن شىمكەنت قالاسىندا 2 ناۋقاستان تىركەلگەن. سونداي-اق الماتى وبلىسىندا اۋرۋ جۇقتىرعانداردىڭ سانى – 8, قىزىلوردا وبلىسىندا 18 بولسا, ماڭعىستاۋ, پاۆلودار جانە تۇركىستان وبلىستارىندا 1 ناۋقاستان انىقتالدى. تاعى ءبىر ايتارى, ەلوردالىق 16, الماتىلىق 8 پاتسيەنت ەمدەلىپ, جازىلىپ شىقتى.
وكىنىشكە قاراي, كوروناۆيرۋستان تاعى ءبىر ناۋقاس نۇر-سۇلتان قالاسىندا كوز جۇمدى. 50 جاستاعى ازامات اۋرۋحاناعا اۋىر جاعدايدا تۇسكەن. دارىگەرلەر تىنىس الۋ جۇيەسىنىڭ جەتكىلىكسىزدىگى مەن ەكى جاقتى پنەۆمونيا بولعانىن ايتادى. قانت ديابەتى, ينسۋلينگە تاۋەلدىلىگى مەن ارتەريالىق گيپەرتەنزياسى دا ناۋقاستىڭ جاعدايىن اۋىرلاتا تۇسكەن. قابىلداعان قارقىندى تەراپياعا قاراماستان, ناۋقاستا پوليورگاندىق, ياعني تىنىس الۋ, جۇرەك جانە بۇيرەك جەتىسپەۋشىلىگىنىڭ بەلگىلەرى ارتا تۇسكەن. 31 ناۋرىز كۇنى ساعات 03.30-دا ناۋقاستىڭ جۇرەگى توقتاعان.