30 ناۋرىزدان باستاپ ءار قالادا ءبىر-ءبىر حقو دايىن قۇجاتتاردى بەرۋ ءۇشىن بىرىڭعاي تەرەزە رەتىندە جۇمىس ىستەيدى. مۇندا قازاقستاندىقتار ونلاين تۇردە كورسەتىلەتىن مەملەكەتتىك قىزمەتتەردىڭ دايىن ناتيجەسىن الا الادى. eGov پورتالىندا قىزمەت ناتيجەسى قاعاز تۇرىندە بەرىلەتىن 23 ءتۇرلى مەملەكەتتىك قىزمەت بار. بۇل تۋرالى «ازاماتتارعا ارنالعان ۇكىمەت» مك كە اق شىمكەنت قالاسى بويىنشا فيليالىنىڭ ءباسپاسوز حاتشىسى التىناي تاتاەۆا حابارلادى.
مامانداندىرىلعان حقو-دا دا دايىن قۇجاتتاردى بەرۋ تەرەزەلەرى عانا جۇمىس ىستەيدى, وندا اۆتوكولىگىن قايتا تىركەۋگە قويعان نەمەسە جۇرگىزۋشى كۋالىگىن ونلاين اۋىستىرعاندار دايىن قۇجاتتارى مەن مەملەكەتتىك تىركەۋ ءنومىرىن الا الادى.
«دايىن قۇجاتتاردى بەرۋ تەرەزەلەرىنىڭ جۇمىس كەستەسى: دۇيسەنبى-جۇما 9.00-دەن 17.00-گە دەيىن. سەنبى – ساعات 9.00-14.00 ارالىعى. شىمكەنت قالاسى بويىنشا, مادەلى قوجا كوشەسى 1گ, مەكەنجايىندا ورنالاسقان №1 حقو-نان دايىن قۇجاتتاردى الۋعا بولادى. ال, اۆتوكولىك يەلەرى دايىن قۇجات بويىنشا دوستىق م.ا. ورنالاسقان مامانداندىرىلعان حقو-نا جۇگىنە الادى", - دەپ ءتۇسىندىردى التىناي تاتاەۆا.
ەستەرىڭىزگە سالار بولساق, قر پرەزيدەنتى قاسىم-جومارت توقاەۆتىڭ تاپسىرماسى بويىنشا قازاقستاندا كوروناۆيرۋس ينفەكتسياسىنىڭ تارالۋىن بولدىرماۋ ماقساتىندا بارلىق حالىققا قىزمەت كورسەتۋ ورتالىقتارىنىڭ جۇمىسى توقتاتىلدى. ازاماتتار قىزمەتتەردى تەك ەلەكتروندى فورماتتا الادى.