2020 جىلدىڭ 28 ناۋرىزىندا ماسكالار ءوندىرىسىنىڭ تاۋلىكتىك كولەمى 773 مىڭدى قۇرادى, ونىڭ ىشىندە فارماتسەۆتيكالىق كاسىپورىندار – 228 مىڭ, تىگىن كاسىپورىندارى – 545 مىڭ, دەپ حابارلادى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى.
اقپارات «سك-فارماتسيا» جشس-نە بەرىلەدى, ولار مەديتسينالىق ماسكالاردى جۇزەگە اسىرادى. دەنساۋلىق ساقتاۋ مينيسترلىگى وندىرىلگەن ءونىمدى ەلىمىزدىڭ وڭىرلەرى بويىنشا بولەدى. داكە جانە ماتا ماسكالارى جەرگىلىكتى اتقارۋشى ورگاندارمەن شارت نەگىزىندە ساتىلادى.
سونىمەن قاتار, ء«بىز بىرگەمىز» قايىرىمدىلىق اكتسياسى اياسىندا «Mega Pharma» جشس فارماتسەۆتيكالىق كاسىپورنى نۇر-سۇلتان, الماتى جانە شىمكەنت قالالارىنىڭ تۇرعىندارىنا تەگىن 100 000-نان استام مەديتسينالىق ماسكا تاراتتى.
تۇركىستان وبلىسى, كەنتاۋ قالاسىندا ەرىكتىلەر ۇيىمدارى 20000 بەتپەردە تاراتتى.
بۇگىنگى كۇنى مەديتسينالىق ماسكالاردى ءوندىرۋ جۇمىستارى وتاندىق كاسىپورىندارمەن تاۋلىك بويى جۇرگىزىلەدى: «Dolce» جشس (الماتى وبل.), «Super-pharm» جشس (جامبىل وبل.), «Mega Pharma» جشس (جامبىل وبل.), «Medical Active Group» جشس (الماتى ق.), «مەرۋسار» جشس (پاۆلودار ق.), «تك-فارم اقتوبە» جشس (اقتوبە ق.).
سونىمەن قاتار ماسكالار ونىدىرىسىنە جەرگىلىكتى اتقارۋشى ورگاندارمەن بىرلەسىپ 70-تەن استام تىگىن كاسىپورىندارى تارتىلدى: «Dalatex» جشس (قىزىلوردا ق.), «بولشەۆيچكا» جشس (قوستاناي ق.), «ەكو-فارم» جشس (شىمكەنت ق.), «اس فارم» جشس (شقو), «تىنىس» اق (كوكشەتاۋ ق.), «كازلەگپروم» جشس (الماتى ق.), «جانارىس» جشس (ماڭعىستاۋ وبلىسى). جانە ت. ب.
بۇگىندە بارلىق فارماتسەۆتيكالىق جانە تىگىن كاسىپورىندارىنىڭ قۋاتى تولىق جۇكتەمە كەزىندە تاۋلىگىنە 1 ملن.ماسكاعا دەيىن وندىرۋگە مۇمكىندىك بەرەدى.
تىگىن جانە فارماتسەۆتيكالىق كاسىپورىنداردى ماسكالار ءوندىرىسى ءۇشىن شيكىزاتپەن قامتاماسىز ەتۋ ماقساتىندا يندۋستريا جانە ينفراقۇرىلىمدىق دامۋ مينيسترلىگى «Azala Textile» جشس-مەن بىرلەسىپ داكە ءوندىرىسىن ىسكە قوسۋ ماسەلەسى پىسىقتالدى. بۇگىنگى كۇنى قۋاتتىلىعى تاۋلىگىنە 3,6 مىڭ سەلدىر ماتا شىعاراتىن 3 ستانوك ىسكە قوسىلدى جانە جۇمىس ىستەيدى.
وندىرىستىك تسيكل مەملەكەتارالىق ستاندارتقا سايكەس جولعا قويىلعان (مەمست 9412-93 مەديتسينالىق داكە). سونداي-اق كاسىپورىن تومەن تىعىزدىقتاعى اعارتىلعان ماقتا ماتاسىن شىعارادى.
بۇل رەتتە, ماقتا ماتالاردان كوپ رەت پايدالانۋعا ارنالعان بەت (قورعانىش) ماسكالارىن ءوندىرۋ جانە وتكىزۋ تىركەۋدى جانە ليتسەنزيانىڭ بولۋىن تالاپ ەتپەيدى, سەبەبى ءونىمنىڭ بۇل ت ءۇرى مەديتسينالىق بۇيىم بولىپ تابىلمايدى جانە ەاەو تر 019 «جەكە قورعاۋ قۇرالدارىنىڭ قاۋىپسىزدىگى تۋرالى» وبەكتىلەرىنە ەنبەيدى.
كاسىپورىندار ەگەر ءونىم تەحنيكالىق رەگلامەنتتەردىڭ قولدانىسىنا تۇسپەسە, ءوز تاۋارلارىن قازاقستان رەسپۋبليكاسىنىڭ زاڭناماسىنا سايكەس ۇيىمنىڭ ستاندارتى بويىنشا شىعارۋعا جانە وتكىزۋگە قۇقىلى.
تىگىن كاسىپورىندارى كوپ رەت قولدانىلاتىن 4, 8, 16 قاباتتى ماسكالار شىعارادى, ولار ءوز كەزەگىندە مەديتسينالىق ماسكا سياقتى قولدانىلىپ, جۇقپالى بولشەكتەردىڭ تارالۋىنا كەدەرگىنى قامتاماسىز ەتۋ رەتىندە پروفيلاكتيكالىق قورعاۋ ماقساتتارىندا پايدالانىلادى.
دەزينفەكتسيالىق قۇرالدار تۋرالى ايتا كەتسەك, اعىمداعى جىلدىڭ 28 ناۋرىزىندا 94 332 ليتر وندىرىلگەن, قويمادا 144 200 ليتر, ءدارىحانا جەلىلەرىنە, كوشەلەر مەن ءۇي – جايلاردى دەزينفەكتسيالاۋ ءۇشىن-100 093 ليتر تيەلگەن.