2020 جىلعى ناۋرىز ايىنىڭ 28-ءى ساعات 00.00-دەن باستاپ ەلوردادا ازىق-ت ۇلىك, ءدارى-دارمەك ساتىپ الۋدى جانە جۇمىسقا بارۋدى قوسپاعاندا, ازاماتتاردىڭ تۇرعىن ۇيدەن شىعۋى شەكتەلدى. كامەلەتتىك جاسقا تولماعانداردىڭ ۇلكەندەرسىز سىرتتا جۇرۋىنە تىيىم سالىنادى. بۇل تۋرالى ەلوردا اكىمدىگى حابارلادى.
قالا كوشەلەرىن پوليتسيا قىزمەتكەرلەرى قاداعالاپ جاتىر. ەكى كۇن ىشىندە اۋماقتىق پوليتسيا باسقارمالارىنا 164 ادام جەتكىزىلدى, 68 تارتىپبۇزۋشىعا اكىمشىلىك حاتتاما جاسالدى. قالعان ادامدارمەن پروفيلاكتيكالىق اڭگىمە جۇرگىزىلدى. ءسىزدىڭ قاۋىپسىزدىگىڭىز بەن كوروناۆيرۋس ينفەكتسياسىنىڭ تارالۋىن ازايتۋ ماقساتىندا ۇيدە قالىپ, بارلىق قاۋىپسىزدىك شارالارىن ساقتاۋدى سۇرايمىز.
ەستەرىڭىزگە سالا كەتەيىك, 30 ناۋرىزدان باستاپ 5 ساۋىرگە دەيىن اۆتوبۋستار جۇرمەيدى. دارىگەرلەر, پوليتسيا قىزمەتكەرلەرى جانە قالانىڭ تىنىس-تىرشىلىگىن قامتاماسىز ەتەتىندەردەن باسقاسى اپتا بويى جۇمىس ىستەمەيدى. ەلوردا اكىمدىگى كوروناۆيرۋسپەن كۇرەسىپ جاتقان مەديتسينا قىزمەتكەرلەرى ءۇشىن قوناق ۇيلەر, كولىك ءبولىپ, تاماق ۇيىمداستىردى. ەمحانالار مەن اۋرۋحانالاردا جۇمىس ىستەيتىن دارىگەرلەر ءۇشىن دە كولىك ۇيىمداستىرىلعان. كولىكتى CTS كومپانياسى ۇسىندى.