ءساۋىر ايىنان باستاپ مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىنە قاتىسپاعاندار تەگىن كومەك الا المايدى.
ال, «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اق-نىڭ وبلىس بويىنشا ديرەكتورى نۇرلان قاسىموۆتىڭ ايتۋىنشا, وڭىردە 14 مىڭعا جۋىق ادامنىڭ مارتەبەسى انىقتالماعان. قازىر ولاردى ىزدەستىرۋ شارالارى جۇرگىزىلۋدە.
بۇعان دەيىن فيليال ماماندارى «مىندەتتى الەۋمەتتىك مەديتسينالىق ساقتاندىرۋ جۇيەسىنىڭ» تيىمدىلىگىن ءتۇسىندىرىپ, اۋدان ورتالىقتارى مەن شالعاي اۋىلداردى ارالاپ, كەزدەسۋلەر وتكىزگەن.
ءتىپتى, وسى جۇيە ارقىلى باعاسى قىمبات مرت, كت قۇرىلعىلارىنان تەگىن وتكەن تۇرعىندار دا از ەمەس.
ال, مارتەبەسى انىقتالماعاندار تەگىن قىزمەتتى الۋى ءۇشىن ەكىنشى دەڭگەيلى بانكتەر ارقىلى اي سايىن جارنا اۋدارۋى كەرەك.
-قازىرگى ۋاقىتتا ەمحانالاردا اقشا تولەۋگە ارنالعان تەرمينالدار ورناتىلۋدا. ءوزىن-ءوزى جۇمىسپەن قامتىپ وتىرعان ادامدار جارنانى اي سايىن تولەگەنى ءجون. بارلىق قارجى ۇلتتىق بانكىندەگى قوردىڭ ەسەبىنە كەلىپ تۇسەدى. قاراجات كەلىسىمشارتقا وتىرعان مەديتسينالىق ۇيىمداردىڭ قىزمەتى ءۇشىن تولەنەدى,-دەيدى ن. قاسىموۆ.
جەرگىلىكتى تۇرعىندار مىندەتتى الەۋمەتتىك مەديتسينالىق ساقتاندىرۋعا قاتىستى تولىق اقپاراتتى fms.kz سايتىنان الا الادى. كەلىسىمشارتقا وتىرعان بارلىق مەديتسينالىق ۇيىمداردا ارنايى ستيكەرلەر ورناتىلعان.
پاۆلودار وبلىسى