30 ناۋرىز كۇنى قازاقستاننىڭ ەكى قالاسىندا قولايسىز مەتەورولوگيالىق جاعداي قالىپتاسىپ, اۋانىڭ لاستانۋى كۇتىلەدى. بۇل تۋرالى «قازگيدرومەت» رمك حابارلادى.
قازگيدرومەتتىڭ مالىمەتىنشە, شىمكەنت جانە نۇر-سۇلتان قالالارىندا جايسىز مەتەوجاعداي قالىپتاسادى. قازاقستاننىڭ باسقا قالالارىندا مەتەوجاعداي قولايلى بولادى دەپ كۇتىلەدى.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى, جەڭىل جەل, تۇمان, ينۆەرسيا) جيىنتىعى. قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.