ەلىنە ەڭبەگىمەن تانىلىپ, ونەگەلى ءومىر يەسى اتانعان بەلگىلى ديقان سوتسياليستىك ەڭبەك ەرى ءساليما جۇمابەكوۆا 85 جاسىندا دۇنيەدەن وزدى.
ءساليما جۇمابەكوۆا 1935 جىلى قارماقشى اۋدانى, اقجار اۋىلىندا دۇنيەگە كەلگەن. ەڭبەك جولىن 1953 جىلى ساۋىنشى بولىپ باستاپ, الپىسىنشى جىلدارى داڭعايىر ديقان ىبىراي جاقاەۆتىڭ ايماق جاستارىنا ۇندەۋىن قولداپ, قولىنا كەتپەن الىپ ەگىن دالاسىنا شىقتى. ەڭبەگى ەسكەرىلىپ, «قۇرمەت بەلگىسى» وردەنىمەن ماراپاتتالدى.
ديقاندىقتان اۋىلدىق كەڭەس توراعاسى قىزمەتىنە دەيىن وسكەن ءساليما جۇمابەكقىزى وتكەن عاسىردىڭ جەتپىسىنشى جىلدارىنان باستاپ كەڭسە قىزمەتىن قايتادان كۇرىششىلىككە ايىرباستادى. 1980 جىلى ديقانعا سوتسياليستىك ەڭبەك ەرى اتاعى بەرىلدى.
ونىڭ ەسىمى سىر كۇرىشىمەن قاتار اتالاتىن. قۇرمەتتىڭ تورىنە ەڭبەكپەن جەتكەن جاندى ەلى دە الاقانعا سالىپ ايالادى. ى.جاقاەۆ اتىنداعى قازاق كۇرىش شارۋاشىلىعى عزي عالىمدارى شىعارعان كۇرىشتىڭ جاڭا سورتىنا ء«دان پاديشاسى» اتانعان ەڭبەككەردىڭ ەسىمى بەرىلگەن.