سOVID-19 ۆيرۋسىنىڭ تارالۋىنا بايلانىستى توتەنشە جاعداي تالاپتارىن ساقتاۋ ماڭىزدى. الايدا, قاۋىپسىزدىك شارالارىن ەسكەرمەگەن كاسىپكەرلەر مەن تۇرعىندار دا انىقتالىپ وتىر.
ولار زاڭ الدىندا جاۋاپقا تارتىلادى. ءوڭىر پوليتسەيلەرى كوڭىل كوتەرۋ مەكەمەلەرىنە ارنايى رەيد جۇرگىزدى. 8 كوڭىل كوتەرۋ مەكەمەسىنىڭ يەلەرى اكىمشىلىك جازاعا تارتىلدى. ونىڭ التاۋى كوكشەتاۋدا, قالعان ەكەۋى ستەپنوگورسك قالاسى مەن ارشالى اۋدانىندا. ءتارتىپ بۇزعاندار قاتارىندا مەيرامحانا, بار, تويحانالاردان بولەك, ۇيىندە جيىن وتكىزگەن ازاماتتار دا بار.
–توتەنشە جاعداي جاريالانعان ساتتەن بەرى وبلىس اۋماعىندا 4 قىلمىستىق ءىس تىركەلدى. ونىڭ ۇشەۋى جالعان اقپارات تاراتۋ دەرەگى بويىنشا تىركەلگەن. كارانتين رەجيمىنەن باس تارتۋ دەرەگى بويىنشا دا قىلمىستىق ءىس قوزعالدى,–دەيدى وبلىستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى گۇلنار پينچۋك.
ءالى دە بولسا تارتىپكە ۇيرەنە الماي كەلە جاتقاندىعىمىز قىنجىلتادى.
اقمولا وبلىسى