بۇگىندە جامبىل وبلىسىنىڭ اۋماعىندا كوروناۆيرۋستى ينفەكتسيانىڭ 3 جاعدايى تىركەلدى. ناۋقاستار 29, 46 جانە 24 جاستا. وسى ماسەلەگە وراي بۇگىن وڭىرلىك كوممۋنيكاتسيالار قىزمەتىنىڭ الاڭىندا بريفينگ ءوتىپ, جامبىل وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ ءوڭىر اۋماعىندا اعىمداعى جىلى 27 ناۋرىز كۇنى تاعى 2 جاعدايدىڭ تىركەلگەنىن مالىمدەدى. كوروناۆيرۋستىق ينفەكتسيانىڭ العاشقى جاعدايى شۋ اۋدانىندا تىركەلگەن بولسا, قالعان 2 جاعداي قورداي اۋدانىنان تىركەلگەن. بارلىق 3 جاعداي بويىنشا ازاماتتار قىرعىز ەلىنەن كەلگەن.
«قازاقستان رەسپۋبليكاسى باس مەملەكەتتىك سانيتارلىق دارىگەرىنىڭ 2020 جىلعى 22 ناۋرىزداعى №26 قاۋلىسىنا سايكەس, دەر كەزىندە جۇقتىرعانداردىڭ بارلىعى ءبىر تاۋلىككە كارانتيندىك ستاتسيونارعا زەرتحانالىق زەرتتەۋ جۇرگىزۋمەن وقشاۋلانعان. وڭ زەرتحانالىق زەرتتەۋ ناتيجەلەرى بويىنشا جۇقتىرعانداردىڭ بارلىعى ينفەكتسيالىق ستاتسيونارعا ستاتسيونارلىق ەمدەۋگە تاسىمالداندى. جۇقتىرعانداردىڭ جاعدايى قاناعاتتانارلىق. بارلىق قاجەتتى ەپيدەمياعا قارسى ءىس-شارالار جۇرگىزىلۋدە, بارلىق بايلانىستا بولعان ادامدار انىقتالدى. بايلانىستا بولعان ادامداردى وقشاۋلاۋ جانە زەرتحانالىق زەرتتەۋ جۇمىستارى جۇرگىزىلدى. مەكەن-جايى جانە ورنالاسقان جەرى بويىنشا وشاقتاردا دەزينفەكتسيالىق وڭدەۋ جۇرگىزىلدى», دەدى مارات جۇمانقۇلوۆ.
جامبىل وبلىسى