ۇستىمىزدەگى جىلعى 22 تامىزدا زيمبابۆەنىڭ پرەزيدەنتى رەتىندە 89 جاستاعى روبەرت مۋگابە جەتىنشى رەت انت قابىلدادى. بۇل تۋرالى يتار-تاسس حابارلادى.
شىلدە ايىندا كەزەكتى پرەزيدەنت سايلاۋىندا 61 پايىز داۋىس جيناپ, جەڭىسكە جەتكەن روبەرت مۋگابەنىڭ انت قابىلداۋ ءراسىمى زيمبابۆە رەسپۋبليكاسىنىڭ استاناسى - حارار قالاسىندا ءوتتى.
الايدا, زيمبابۆە كوشباسشىنىڭ قارسىلاستارى سايلاۋ ناتيجەلەرى بۇرمالاندى دەپ نارازىلىق بىلدىرۋدە. پرەزيدەنت سايلاۋىندا روبەرت مۋگابەمەن باسەكەگە تۇسكەن اتالمىش ەل پرەمەر-ءمينيسترى مورگان تسۆانگيراي سايلاۋ ناتيجەسىنىڭ كۇشىن جويۋدى تالاپ ەتىپ, كونستيتۋتسيالىق سوتقا شاعىم تۇسىرگەن.
ال افريكا وداعى سايلاۋدى ءادىل ءوتتى دەپ تانىعان.
سونىمەن, 1980 جىلدان بەرى زيمبابۆەنى باسقارىپ كەلە جاتقان روبەرت مۋگابەنىڭ پرەزيدەنتتىك قىزمەتى تاعى 5 جىلعا ۇزاردى.
تاعى ءبىر ايتا كەتەر ءجايت, بيىلعى جىلدىڭ ناۋرىز ايىندا زيمبابۆەنىڭ جاڭا كونستيتۋتسياسى قابىلدانىپ, وندا بۇدان بىلاي پرەزيدەنتتەر بەس جىلدان ەكى رەت قانا سايلاۋعا تۇسۋگە قۇقى بار ەكەنى كورسەتىلگەن. ياعني, پرەزيدەنتتىك قىزمەت مەرزىمىنە شەكتەۋ قويىلعان. دەمەك, روبەرت مۋگابەنىڭ دەنساۋلىعى قالىپتى بولسا, ەلدى ءالى ون جىلداي باسقارۋعا مۇمكىندىگى بار.
جولدىباي بازاروۆ.