كەشە قىزىلورداداعى بازارلار مەن ساۋدا ورىندارىندا كەلۋشىلەرگە مەديتسينالىق بەتپەردەلەر تاراتىلدى. «قىزىلوردا وپتوماركەت» ساۋدا ءۇيى 3000, «ميراس» ساۋدا ءۇيى 1000 داناسىن تاراتتى. بۇعان دەيىن «اجار سيتي» ساۋدا ورتالىعى دا قات تاۋارعا اينالعان بەتپەردەنى تەگىن تاراتقان ەدى.
- الداعى ۋاقىتتا دا بۇل اكتسيا قالا اۋماعىنداعى 80-گە جۋىق ساۋدا ءۇيى مەن 12 بازاردا جالعاسادى, – دەيدى قالا اكىمىنىڭ ورىنباسارى بەكتاس نۇريدينوۆ. وبلىس ورتالىعىندا قۇرىلعان جەدەل شتاب قالا كولەمىندەگى حالىق كوپ شوعىرلاناتىن ورىنداردا تۇسىندىرمە جۇمىستارىن جۇرگىزۋمەن قاتار, ىندەتتىڭ الدىن الۋعا سەپتىگىن تيگىزەتىن وسىنداي شارالاردى دا ۇيىمداستىرىپ كەلەدى.