«اگرارلىق نەسيە كورپوراتسياسى» اق مەن «اگروونەركاسىپ كەشەنىندەگى نەسيە سەرىكتەستىكتەرى قاۋىمداستىعى» زاڭدى تۇلعالار بىرلەستىگى نەسيە سەرىكتەستىكتەرى جۇيەسىن قولداۋ جانە دامىتۋ تۋرالى مەموراندۋمعا قول قويدى.
«اگرارلىق نەسيە كورپوراتسياسى» اق مەن «اگروونەركاسىپ كەشەنىندەگى نەسيە سەرىكتەستىكتەرى قاۋىمداستىعى» زاڭدى تۇلعالار بىرلەستىگى نەسيە سەرىكتەستىكتەرى جۇيەسىن قولداۋ جانە دامىتۋ تۋرالى مەموراندۋمعا قول قويدى.
بيىلعى جىلعى اقپان ايىندا قازاقستاندا اۋىلدىق جەرلەردەگى بيزنەستىڭ دامۋىن قارجىلاندىرۋمەن اينالىساتىن نەسيە سەرىكتەستىكتەرىنىڭ باسىن قوساتىن جاڭا قوعامدىق ۇيىم – «اگروونەركاسىپ كەشەنىندەگى نەسيە سەرىكتەستىكتەرى قاۋىمداستىعى» زاڭدى تۇلعالار بىرلەستىگى قۇرىلدى. اتالعان قاۋىمداستىق – كوممەرتسيالىق ەمەس ۇيىم, سوندىقتان ول مەملەكەتتىك جانە باسقا دا قۇرىلىمدار الدىندا نەسيە سەرىكتەستىكتەرىنىڭ قىزىعۋشىلىعىن قورعاۋمەن اينالىساتىن بولادى. قاۋىمداستىق نەسيە سەرىكتەستىكتەرىنىڭ ءوز قاتىسۋشىلارىنا ارنالعان تولىق قىزمەت كورسەتۋ جۇيەسى بار جەكە قارجىلىق ينستيتۋت رەتىندەگى دامۋ ستراتەگياسىن جۇزەگە اسىرادى.
وتاندىق تاۋار وندىرۋشىلەردى قولداۋ ماقساتىندا وسى شارالارعا باعىتتالعان مەموراندۋمعا قول قويىلدى. بۇل قۇجاتقا سايكەس, تاراپتار نەسيە سەرىكتەستىكتەرىن بىرگە دامىتۋمەن قاتار, وسى شارالارعا قاجەتتى اقپاراتتاردى الماسۋمەن دە اينالىساتىن بولادى.
بۇگىندە قاۋىمداستىق قۇرامىندا 7 214 اۋىل شارۋاشىلىعى تاۋار وندىرۋشىلەرى بار 124 نەسيە سەرىكتەستىكتەرىنىڭ باسىن بىرىكتىرىپ وتىر. تاعى 42 نەسيە سەرىكتەستىگى قازىردە قاۋىمداستىققا مۇشە بولۋ ءۇشىن قۇجاتتارىن ازىرلەپ جاتىر. قاۋىمداستىقتىڭ نەگىزگى ماقساتى – بۇل اۋىلدىق جەرلەردەگى كاسىپكەرلىكتىڭ تۇراقتى دامۋىن قامتاماسىز ەتۋ مەن ونىڭ ينفراقۇرىلىمىن جەتىلدىرۋ بولىپ تابىلادى.
نياز جىلقىباەۆ.