ەلىمىزدە جاريالانعان توتەنشە جاعدايعا بايلانىستى شىمكەنت قالاسىنداعى بىرقاتار نىسانداردا دەزينفەكتسيالاۋ جۇمىستارى جۇرگىزىلدى. اتاپ ايتقاندا, ءال-فارابي الاڭى, ورىس دراما تەاترىنىڭ ماڭايى جانە اربات دەمالىس ايماعىندا ساقتىق شارالارى كۇشەيتىلدى.
جالپى, قالادا مەديتسينا ماماندارى كوروناۆيرۋستىڭ الدىن الۋ ماقساتىندا كۇشەيتىلگەن جۇمىس رەجيمدە جۇمىس ىستەۋدە. دارىگەرلەر قالاداعى حقكو-نىڭ 11 بولىمشەسىندە كەزەكشىلىككە ءتۇسىپ, ورتالىققا كەلگەن ازاماتتارعا مەديتسينالىق كومەك كورسەتۋدە. مۇندا سانيتارلىق-ەپيدەميولوگيالىق تالاپتار قىزمەت تالابىنا ساي جۇرگىزىلۋدە.
شاھارداعى باسقا دا پروفيلاكتيكالىق شارالار قاتاڭداتىلعان. بۇگىن شىمكەنت قالاسىنا كىرەتىن-شىعاتىن اۆتوجولداردا 12 سانيتارلىق بەكەت قويىلدى. قازىرگى تاڭدا شىمكەنتتەگى پوليتسيا مەن مەديتسينا قىزمەتكەرلەرى كۇشەيتىلگەن رەجيمگە كوشتى. ماماندار ءار كولىكتى توقتاتىپ, ارنايى قۇرىلعىمەن ازاماتتاردىڭ دەنە قىزۋىن ولشەپ, تەكسەرۋدە. ال نۇر-سۇلتان جانە الماتى قالاسىنان شىمكەنتكە كەلگەن تۇرعىنداردى دارىگەرلەر ەمحاناعا ۋاقىتشا تىركەۋگە شاقىرۋدا. شىمكەنت