قالالىق جەدەل شتابتىڭ حابارلاۋىنشا, ماسكەۋدە ۆيرۋس جۇقتىرعان ەكى قارت ادام قايتىس بولدى.
«پاتسيەنتتەردىڭ جاسى 88 جانە 73-تە بولعان. ولاردىڭ كوروناۆيرۋسقا الىنعان قان تالدامالارى وڭ ناتيجە كورسەتتى. سونداي-اق ولارعا پنەۆمونيا دياگنوزى قويىلعان بولاتىن. ىلەسپەلى پاتولوگيالارى بولدى» دەلىنگەن حابارلامادا.
قالالىق جەدەل شتاب قارت ادامدار مەن سوزىلمالى اۋرۋلارى بار ادامدارعا ءوزىن-ءوزى وقشاۋلاۋ رەجيمىن مۇلتىكسىز ساقتاۋ قاجەتتىگىن ەسكەرتتى.
رەسەيدە سوڭعى تاۋلىكتە كوروناۆيرۋس جۇقتىرعانداردىڭ سانى 650-گە جەتتى. 29 ادام ىندەتتەن ايىقتى.