قازالىدا ەلىمىزدەگى توتەنشە جاعدايعا بايلانىستى اۋدان اكىمىنىڭ تاپسىرماسىمەن موبيلدىك توپ قۇرىلىپ, 18 ناۋرىزدان باستاپ كۇندەلىكتى رەيد جۇمىستارىن جۇرگىزۋدە. رەيد بارىسىندا كوڭىل كوتەرۋ ورىندارى, مەيرامحانالار, ءدامحانالار جانە وزگە دە قوعامدىق تاماقتانۋ ورىندارى تەكسەرىلۋدە.
موبيلدىك توپ مۇشەلەرى رەيد كەزىندە توتەنشە جاعداي رەجيمىن بۇزعان 2 كاسىپكەرگە اكىمشىلىك حاتتاما تولتىرىلىپ, سوتقا جولداندى.
كەشە قازالى اۋداندىق سوتىندا وسى ازاماتتارعا قاتىستى قر «اكىمشىلىك قۇقىق بۇزۋشىلىق تۋرالى» كودەكسىنىڭ 476-بابىمەن قوزعالعان اكىمشىلىك ءىس قارالدى.
سوت قاۋلىسىمەن ءبىر ازامات 7 تاۋلىككە اكىمشىلىك قاماققا الىنىپ, ال ەكىنشى كاسىپكەرگە تاربيەسىندە كامەلەتكە تولماعان بالاسىنىڭ بولۋىنا بايلانىستى 26 510 تەڭگە ايىپپۇل سالۋ جازاسى تاعايىندالدى.
قىزىلوردا وبلىسى