قازىرگى كۇندەرى الماتىدا زالالسىزداندىرۋ جۇمىستارى تىنباي ءجۇرىپ جاتقانىنا قاراماستان, تۇرعىلىقتى جەرلەرىنە بايلانىستى شاعىم ءتۇسىرىپ جاتقان تۇرعىندار قاتارى تابىلىپ وتىر. سوندىقتان دا الماتى اكىمدىگى پودەزدەر مەن اۋلالاردى دەزينفەكتسيالاۋ جۇمىستارىن كۇشەيتتى.
قالادا كارانتين جاريالانعان كۇننەن باستاپ دەزينفەكتسيالاۋ جۇمىستارى, زاڭدىلىقتارعا سايكەس, پيك پەن باسقارۋشى كومپانيالار تاراپىنان جاسالعان بولاتىن. قالادا كوروناۆيرۋس ينفەكتسياسىنىڭ كەڭىنەن تارالىپ كەلە جاتقاندىعىن ەسكەرىپ, سونداي-اق, تۇرعىنداردىڭ وتىنىشىنە وراي, 25 ناۋرىزدان باستاپ بۇل جۇمىستاردى قالالىق اكىمدىك اتقاراتىن بولدى.
مۇنداي شەشىمدى توتەنشە جاعداي بويىنشا قۇرىلعان جەدەل شتاب قابىلدادى. ەندى قالاداعى 4 مىڭنان استام اۋلا مەن 24 مىڭ پودەزگە سانيتارلىق تازالاۋ جۇمىستارى جۇرگىزىلەدى. دەزينفەكتسيالاۋ جۇمىستارىن ارنايى كومپانيا اپتاسىنا ەكى رەت بەكىتىلگەن كەستەگە سايكەس جۇرگىزىپ وتىرادى.
وسى ورايدا ايتا كەتۋ كەرەك, ءبىر كۇن ىشىندە قالانى تۇگەل قامتۋ مۇمكىن بولمايتىندىقتان, قالا اۋماعى ءۇش بولىككە بولىنگەن.
پودەزدەردەگى تۇتقالاردى, كىربەرىستەردى جۋىپ تازالاۋ پيك تاراپىنان جاسالادى.