كارانتين كەزىندە الماتى زەينەتكەرلەرىنىڭ زەينەتاقىلارىن ۇيلەرىنە جەتكىزىپ بەرەدى. بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا «قازپوچتا» اق اف ديرەكتورى ءاليا سۇگىرباەۆا ايتتى.
ونىڭ ايتۋىنشا, 70 جاستان اسقان زەينەتكەرلەر كارانتين كەزىندە زەينەتاقىلارىن ۇيىندە وتىرىپ الا الادى.
«قالا اكىمدىگىمەن بىرگە ءبىزدىڭ زەينەتكەرلەرگە زەينەتاقىلارىن جەتكىزۋ جۇمىستارى جۇرگىزىلۋدە. «قازپوشتا» 80 جاستان اسقان زەينەتكەرلەرگە قىزمەت كورسەتەدى, ءبىز ولاردىڭ زەينەتاقىلارىن ۇيلەرىنە جەتكىزىپ بەرەمىز. قازىر 70 جاستان اسقان زەينەتكەرلەر ساناتىن دا قامتاماسىز ەتۋگە دايىنبىز. ءبىزدىڭ بارلىق قىزمەتكەرىمىز – پوچتاشىلار مەن كۋرەرلەر وعان تولىق دايىن, ولار زەينەتكەرلەردىڭ قاۋىپسىزدىگى ءۇشىن بارلىق جەكە قورعانىس قۇرالدارىمەن جابدىقتالعان», – دەدى ول.
«بۇدان وزگە, «قازپوشتا» كارانتين كەزىندە قالا تۇرعىندارىن قولداۋ بويىنشا الماتى اكىمدىگىمەن بىرلەسكەن جوبانى جۇزەگە اسىرۋعا قاتىسادى.
«الماتى قالاسىنىڭ اكىمدىگىمەن بىرگە حالىقتىڭ الەۋمەتتىك از قامتىلعان توپتارىنا قولداۋ كورسەتۋ ءۇشىن ىسكە اسىرىلىپ وتىرعان جوبا اياسىندا «قازپوشتا» لوگيستيكالىق جانە ازىق-ت ۇلىك سەبەتتەرىن جەتكىزۋدەگى باستى سەرىكتەسى بولىپ تابىلادى. بۇگىنگى كۇنى فيليال بارلىق كۇش-جىگەرىن جۇمىلدىردى – 70 ماشينا كۋرەرلەرمەن شتاتتىق تارتىپتە جۇمىس ىستەيدى. ولار قاجەت بولعان جاعدايدا قالا تۇرعىندارىنا بارلىق الەۋمەتتىك پاكەتتەردى تاۋلىك بويى جەتكىزەتىن بولادى», – دەدى ءاليا سۇگىرباەۆا.
سونىمەن قاتار, كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا بايلانىسسىز جەتكىزۋدى قامتاماسىز ەتۋ ماسەلەسى پىسىقتالۋدا.