بۇگىن الماتىدا كوروناۆيرۋستىق ينفەكتسيانى جۇقتىرعان 29 جاعداي تىركەلدى. ونىڭ ىشىندە ەكى بالا بار.
ناۋقاستار جۇقپالى اۋرۋلار اۋرۋحاناسىنا وقشاۋلاندىرىلدى, جاعدايلارى – قاناعاتتانارلىق, ەكى ناۋقاستىڭ جاعدايى ورتاشا دارەجەدە اۋىر, ناشارلاعان جوق.
قالانىڭ پروۆيزورلىق گوسپيتالدارىندا 672 ادام, كارانتيندە – 598, ءۇي كارانتينىندە 1549 ادام بار. كارانتينگە وقشاۋلانعان بارلىق ازاماتتىڭ دەنە قىزۋى قالىپتى دەڭگەيدە, كاتارالدى قۇبىلىستار جوق.
قالالىق تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ دەرەگى بويىنشا كوروناۆيرۋستىق ينفەكتسيا تىركەلگەن بارلىق وشاقتاردا كوروناۆيرۋستىڭ ودان ءارى تارالۋىن الدىن الۋ ماقساتىندا ەپيدەمياعا قارسى جانە پروفيلاكتيكالىق ءىس-شارالار كۇشەيتىلدى. مەديتسينا قىزمەتكەرلەرى وشاقتىڭ ايماعىندا ورنالاسقان بارلىق ادامداردىڭ دەنساۋلىق جاعدايىنا مونيتورينگ جۇرگىزىپ وتىر.