الماتىعا كىرىپ-شىعۋعا تيىم سالىنعان «جاسىل ءدالىز» ءتارتىبى بەكىتىلدى

اتاپ ايتقاندا, شەكتەۋلەر مەديتسينالىق جانە سانيتارلىق-ەپيدەميولوگيالىق قىزمەت كورسەتەتىن ازاماتتارعا, سونداي-اق, جەدەل ىسكە اسىرۋ مەن كوممۋنالدىق شارۋاشىلىقتىڭ, ريتۋالدىق قىزمەتتىڭ, جۇكتەردىڭ كەز كەلگەن تۇرلەرىن جۇك جانە ترانزيتتىك تاسىمالداۋلارعا, جەكە كۋالىك بويىنشا مامانداندىرىلعان ينكاسساتورلىق كولىكتەرگە قولدانىلمايدى.

                                                   جادىناما                 الماتى قالاسىنا كىرۋ جانە شىعۋ جۇيەسى بويىنشا

كارانتينگە بايلانىستى, 2020 جىلعى 22 ناۋرىز تۇنگى ساعات 00:00-دەن باستاپ ازاماتتار مەن كولىكتەردىڭ الماتى قالاسىنىڭ اۋماعىنا كىرۋىنە جانە شىعۋىنا تىيىم سالىنادى.

ەنگىزىلگەن شەكتەۋلەر راستايتىن قۇجاتتارى بار مىناداي تۇلعالار مەن كولىك قۇرالدارىنا قولدانىلمايدى:

1) مەديتسينالىق كومەك جانە سانيتاريالىق-ەپيدەميولوگيالىق قىزمەت, سونداي-اق مەديتسينالىق پەرسونالدار (دارىگەرلەر, مەدبيكەلەر, سانيتارلار, جۇرگىزۋشىلەر - ورتالىق دەرەكتەر بازاسىنا سايكەس جەكە كۋالىگى بار (بۇدان ءارى – ودب);2) ازاماتتىق قورعاۋ, ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قىزمەتكەرلەرى (ودب سايكەس جەكە كۋالىگى بار);3) كوممۋنالدىق, اۆاريالىق قىزمەتتەردىڭ قىزمەتكەرلەرى: ەلەكترمەن, گازبەن, سۋمەن جانە جىلۋمەن جابدىقتاۋ, قوقىستى جيناۋ, سونداي-اق بايلانىس جانە كوممۋنيكاتسيا سالاسىنىڭ قىزمەتكەرلەرى جانە ولاردىڭ كولىگى (مەملەكەتتىك نومىرلىك بەلگى بويىنشا اۆتوكولىكجانە ودب سايكەس جەكە كۋالىگى بار جۇرگىزۋشىلەر);4) جەرلەۋ قىزمەتىنىڭ قىزمەتكەرلەرى مەن كولىگى (قازالى شەرۋ كەزىندە 20 ادامنان ارتىق جانە 4 كولىكتەن ارتىق بولماۋى ءتيىس);5) جۇك جانە كەز-كەلگەن جۇك تۇرلەرىن تاسىمالداۋشى ترانزيتتىك كولىكتەر: ترانسپورتتار جۇك تيەلگەن نەمەسە بوس بولۋى مۇمكىن جانە جۇرگىزۋشىمەن بىرگە ءبىر جولاۋشىدان ارتىق ادام بولماۋى كەرەك;6) ارناۋلى ينكاسساتورلىق ترانسپورت;7) الماتى قالاسىنىڭ پد, تجد, پروكۋراتۋرا قىزمەتكەرلەرىنىڭ جانە الماتى قالاسى بويىنشا سجقۇب, ۇقك, مقق, ەزق قىزمەتكەرلەرى مەن ترانسپورتى قىزمەتتىك كۋالىگىن كورسەتكەن جاعدايدا;8) ۇلتتىق گۆارديانىڭ اسكەري ماماندارى, قر قارۋلى كۇشتەرى جانە شەكارا قىزمەتىنىڭ (الماتى اسكەري گارنيزونى) قىزمەتكەرلەرى قىزمەتتىك كۋالىگىن نەمەسە اسكەري بولىم كومانديرىنىڭ قولى قويىلعان اسكەري بيلەتىن جانە ءتيىستى قۇجاتىن كورسەتكەن جاعدايدا; جەدەل قىزمەتتەگى اسكەريلەر تەك ارنايى اۆتوكولىكپەن;9) قازاقستان رەسپۋبليكاسى اۋماعىنا بۇرىن كىرگەن شەتەلدىكتەردىڭ ەلدەن شىعۋى ءۇشىن; 10) بۇرىن شەت ەلگە شىعىپ كەتكەن قازاقستان رەسپۋبليكاسى ازاماتىنىڭ الماتى مەملەكەتتىك اۋەجايى ارقىلى ەلگە قايتۋى ءۇشىن;11) ەرەكشە جاعدايلارداعى دەنساۋلىق ساقتاۋ ۇيىمدارىنىڭ راستايتىن قۇجاتتارى بار, الماتى قالاسىنان ەمدەلۋگە شىققان قازاقستان رەسپۋبليكاسىنىڭ ازاماتتارى;12) الماتى قالاسىنا شۇعىل ەمدەلۋگە كەلگەن باسقا وڭىرلەردىڭ تۇرعىندارى, ەرەكشە جاعدايلاردا مەديتسينالىق مەكەمەلەردىڭ راستايتىن قۇجاتتارى ۇسىنىلعان كەزدە;13) مەديتسينالىق انىقتاما بويىنشا الماتى قالاسىنداعى مەديتسينالىق ورتالىقتاردان ەم الىپ شىققان باسقا ايماقتاردىڭ تۇرعىندارى;14) مەديتسينالىق انىقتاما بويىنشا جاس نارەستەسىمەن الماتى قالاسىنداعى پەرزەنتحانادان شىعارىلعان ايەلدەر;15) ەلىمىزدىڭ جانە شەت مەملەكەتتەردىڭ ديپلوماتيالىق قىزمەتىنىڭ قىزمەتكەرلەرى جانە ولاردىڭ وتباسى مۇشەلەرى, سونداي-اق قازاقستاننان شىعاتىن, سونىمەن بىرگە قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋى بويىنشا شەت مەملەكەتتەر مەن حالىقارالىق ۇيىمدار دەلەگاتسيالارىنىڭ مۇشەلەرى;16) پوەزد جانە لوكوموتيۆ بريگادالارىنىڭ مۇشەلەرى, سونداي-اق تەمىرجول كولىگىمەن تاسىمالداۋ پروتسەسستەرىنە قاتىساتىن ادامدار, اۋە كەمەلەرى ەكيپاجدارى ء(تيىستى مالىمەتتەر بازاسىنداعى جەكە كۋالىك بويىنشا);17) قازاقستان رەسپۋبليكاسى ازاماتتارىنىڭ وتباسى مۇشەلەرى بولىپ تابىلاتىن شەت مەملەكەت ازاماتتارى ءبىر رەت الماتىعا كىرگەندە, ونىڭ وزىندە (وتباسىلىق قاتىناستار فاكتىسى راستالعان جاعدايدا – جۇبايى, اتا-اناسى جانە بالالارى);18) اۋە جانە تەمىرجول ترانزيتىمەن جۇرگەن قازاقستان رەسپۋبليكاسىنىڭ ازاماتتارى مەن شەت مەملەكەت ازاماتتارى, الماتى قالاسىنا كىرۋ جانە شىعۋ كەزىندە راستايتىن قۇجاتتار ۇسىنعان كەزدە;19) الماتى قالاسىنا(ن) كىرىپ نەمەسە شىققان جاعدايدا مەديتسينالىق انىقتامامەن كارانتيندىك وقشاۋلاۋدان وتكەن (جەدەل شتابتىڭ ورتالىق دەرەكتەر بازاسىنا سايكەس جەكە كۋالىگى بار) باسقا ايماقتاردىڭ تۇرعىندارى مەن شەت مەملەكەتتەردىڭ ازاماتتارى;20) زەرتحانالىق قىزمەتتەردىڭ تالداۋ جۇرگىزۋگە جانە بيوقالدىقتارعا قاجەت بيوماتەريالداردى قالاعا جىبەرۋىنە رۇقسات ەتىلەدى. تەك ولاردى تاسىمالدايتىن اۆتوموبيلدەردىڭ قالاعا كىرۋىنە نە شىعۋىنا شەكتەۋ بار.21) الماتى قالاسىنا ارنايى جاعدايلاردا الماتى قالاسى اكىمدىگى جانىنداعى توتەنشە جاعدايدى قامتاماسىز ەتۋ جونىندەگى جەدەل شتابتىڭ ارنايى رۇقساتىمەن كەلگەن قالاعا كىرىپ-شىعاتىن ادامدار.