قالالىق اكىمدىكتىڭ ءباسپاسوز ورتالىعىندا وتكەن ونلاين-بريفينگتە الماتى قالاسى اكىمىنىڭ ورىنباسارى ساپاربەك تۇياقباەۆ پەن باسەكەلەستىكتى قورعاۋ جانە دامىتۋ كوميتەتىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى ارلان قالۋەتوۆ مەگاپوليستەگى كاسىپكەرلىك سۋبەكتىلەرىنىڭ جۇمىسى تۋرالى, بەتپەردەلەر مەن ازىق-ت ۇلىكتى جەتكىزۋ, ولاردىڭ باعا ساياساتى تۋرالى مالىمدەدى.
الماتى قالاسى اكىمىنىڭ ورىنباسارى ساپاربەك تۇياقباەۆتىڭ ايتۋىنشا, مەگاپوليستە مەيرامحانالار مەن ءدامحانالاردىڭ, سونداي-اق ونلاين-دۇكەندەردىڭ جۇمىسى كۇشەيتىلگەن. سونىمەن قاتار قالاعا ازىق-ت ۇلىك تاسىمالدايتىن جۇك كولىكتەرىنە «جاسىل ءدالىز» ۇيىمداستىرىلدى. جالپى الماتى تۇرعىندارىن تاعام ونىمدەرىمەن قامتاماسىز ەتۋ ءۇشىن قالالىق رەزەرۆتەن قوسىمشا 5 ملرد تەڭگە بولىنگەن ەكەن.
- بۇگىندە قالاعا سىرتتان كەلەتىن نەمەسە سىرتقا شىعاتىن ازىق-ت ۇلىك تاسىمالداۋشى كولىكتەر مەن لوگيستيكالىق قىزمەت تۇرلەرىنە «جاسىل ءدالىز» قامتاماسىز ەتىلدى. الماتىدا الەۋمەتتىك ماڭىزدى 19 ءتۇرلى تاۋاردىڭ ءتۇرى بار. ازىق-ت ۇلىكتەن تاپشىلىق بولمايدى. ولار ءتيىستى كولەمدە جەتكىزىلەدى. بارلىق ونىمدەر Magnum جانە Small ساۋدا جەلىلەرى ارقىلى ساتىلادى. جەكەلەگەن كاسىپكەرلەرمەن باعانى كوتەرمەۋ تۋرالى ءتۇسىندىرۋ جۇمىستارى جۇرگىزىلۋدە. ءوز تاراپىمىزدان تۇرعىندارعا ازىق-ت ۇلىكتى پاتەرىنە نەمەسە ۇيىنە دەيىن جەتكىزىپ بەرۋدى قامتاماسىز ەتەتىن مەحانيزمدى كۇشەيتتىك, – دەدى س. تۇياقباەۆ.
كاسىپكەرلەرمەن ازىق-ت ۇلىكتىڭ باعاسى جانە ونى جەتكىزۋ كولەمى تۋرالى وسى جىلدىڭ ماۋسىم ايىنىڭ سوڭىنا دەيىن بەلگىلەنىپتى.بۇدان وزگە دارىحانالارداعى بەتپەردە باعاسىنا باقىلاۋدىڭ كۇشەيتىلگەنى دە ايتىلدى. قاراپايىم بەتپەردەنىڭ باعاسى 87 تەڭگە دەپ بەكىتىلسە, كومىر ءفيلترلى بەتپەردە 111 تەڭگەمەن ساتىلۋدا. ول ءۇشىن الماتىدا 48 ءدارىحانا بەلگىلەندى. بارلىعىنا بەينەباقىلاۋ ورناتىلدى. بەينەباقىلاۋداعى جازبا ءبىر ايعا دەيىن ساقتالاتىن بولادى.
ايتا كەتۋ كەرەك, بۇگىندە قالادا فيتنەس, سپا-سالوندار, سۇلۋلىق سالوندارى مەن قوعامدىق مونشالار جۇمىسىن تولىق توقتاتتى.
باعانىڭ نەگىزسىز كوتەرىلۋى انىقتالعان جاعدايدا ءتيىستى شارالار قابىلدانادى. بۇل تۋرالى باسەكەلەستىكتى قورعاۋ كوميتەتىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى ارلان قالۋەتوۆ مالىمدەدى. ايتۋىنشا, مەگاپوليستە مونوپولياعا قارسى زاڭنامانى بۇزۋشىلىق فاكتىلەرىن انىقتاۋ بويىنشا جۇمىستار جۇرگىزىلۋدە.
- ءبىزدىڭ دەپارتامەنت الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ بويىنشا كەشەندى شارالاردى قولعا الدى. بەتپەردەنىڭ باعاسىن نەگىزسىز كوتەرۋ فاكتىلەرى بويىنشا دەپارتامەنت تاراپىنان نارىق سۋبەكتىلەرىنە قاتىستى تەرگەۋ جۇمىستارىن جۇرگىزۋدە. بۇل بويىنشا بىزگە كەلىپ تۇسكەن شاعىمدار كوپ, – دەدى ول.
سۇراقتار بويىنشا 1406 جانە Open Almaty 1308 نومىرلەرى بويىنشا تاۋلىك بويى call-center-گە حابارلاسىڭىز. كاتارالدى بەلگىلەرى بار ادامدار انىقتالعان جاعدايدا دەرەۋ قالانىڭ سانيتارلىق-ەپيدەميولوگيالىق قىزمەتىنە تاۋلىك بويى 382-33-50 تەلەفونى بويىنشا حابارلاۋ كەرەك.
رەسمي اقپارات الماتى قالاسى اكىمدىگىنىڭ رەسمي بەتتەرىندە جانە الەۋمەتتىك جەلىلەردە قولجەتىمدى. قوسىمشا اقپارات جەدەل تۇردە Telegram-stopcov Almaty ارناسىندا جانە Darmen ءموبيلدى قوسىمشاسىندا ورنالاستىرىلادى.