قازالى اۋدانىنىڭ اكىمى مۇرات ەرگەشباەۆ ازىق-ت ۇلىك باعالارىنىڭ تۇراقتىلىعىن باقىلاۋ ماقساتىندا بازارلار مەن ساۋدا قاتارلارىن ارالادى. بۇل تۋرالى اۋدان اكىمىنىڭ ءباسپاسوز قىزمەتى حابارلادى.
اۋدان باسشىسى الدىمەن ايتەكە بي كەنتىندەگى «ەرنۇر» بازارىنداعى ساۋدا قاتارلارىن ارالادى. ەلدەگى توتەنشە جاعدايعا بايلانىستى قاۋىپسىزدىك شارالارىن قاتاڭ ساقتاۋ قاجەتتىگىن ايتتى. مۇنان سوڭ جاقىندا عانا جاڭادان اشىلعان «نۇر» اسحاناسىندا بولىپ, كاسىپكەرگە سانيتارلىق تالاپتاردىڭ قاتاڭ ساقتالۋىن تاپسىردى.
سونداي-اق, «ىرىس بولاشاق» بازارىنداعى «انەل», «ايتوعجان» ساۋدا قاتارلارىنداعى كوكونىس ونىمدەرىنىڭ باعاسىن ءبىلدى. ساتۋشىلار مەن بازار باسشىلىعىنا سانيتارلىق تالاپتاردى قاتاڭ ساقتاپ, ازىق-ت ۇلىك باعاسىن نەگىزسىز وسىرمەۋ قاجەتتىگىن ەسكەرتتى.
قازىر اۋداندا ازىق-ت ۇلىك تاۋارلارىنىڭ باعاسىن وسىرمەۋ باقىلاۋدا تۇر. وسىعان بايلانىستى «نۇرشۋاق» اۆتوبەكەتىندە جارمەڭكە ۇيىمداستىرىلىپ, وندا ازىق-ت ۇلىك ونىمدەرى بازار نارقىنان تومەن باعادا ساتىلدى. الداعى ۋاقىتتا اۋداننان وبلىستىق تۇراقتاندىرۋ قورىمەن بىرلەسىپ الەۋمەتتىك دۇكەن اشۋ قولعا الىنادى.