بۇگىن الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتى قازاقستاندىقتاردىڭ دەنساۋلىعىن ساقتاۋدا ارىپتەستەرىن قولداپ, كۇش بىرىكتىرۋگە شاقىردى.
«بۇگىن بارلىق قازاقستاندىق قوعام كۇردەلى كەزەڭدى باستان وتكىزىپ وتىر. ينفەكتسيانىڭ تارالىپ كەتۋىنە جول بەرمەۋ ءۇشىن ءوز باستارىن قاتەرگە تىگىپ, پروفيلاكتيكالىق جۇمىسپەن اينالىسىپ جاتقان, وقشاۋلانعان ادامداردى تىكەلەي باقىلاپ, كوروناۆيرۋس ينفەكتسياسى انىقتالعان پاتسيەنتتەرگە مەديتسينالىق كومەك كورسەتىپ, ءوز جۇمىس ورىندارىندا تاۋلىك بويى جۇمىس ىستەپ جاتقانارىپتەستەرىمىزگە وڭاي بولىپ جاتقان جوق.
ءبىز ارىپتەستەرىمىزدى قولداپ جانە ولارمەن بىرگە ەكەندىگىمىزدى ايتقىمىز كەلەدى. وسى سىرقاتپەن كۇرەسۋدە كەز كەلگەن ساتتە كومەك بەرۋگە دايىن ەكەندىگىمىزدى بىلدىرەمىز.
دارىگەردىڭ ميسسياسى بارلىق ادامي قاسيەتتەردى: ءوزىن-ءوزى قۇربان ەتۋدى, جان تانىمەن بەرىلىپ جۇمىس ىستەۋدى, ادامدارعا ەرەكشە كوڭىل ءبولۋدى, مەيىرىمدىلىكتى تالاپ ەتەدى.
حالقىمىز مەديتسينا قىزمەتكەرىنىڭ كاسىبى ەڭ كۇردەلى قىزمەت ەكەندىگىن تۇسىنە وتىرىپ, ولارعا قۇرمەتپەن قارايدى. باسقاادامنىڭ ومىرىنە جاۋاپكەرشىلىك الىپ, ءوز ءومىرىن مەديتسيناعا ارناعان مەديتسينا قىزمەتكەرلەرىبۇگىن دە وزدەرىنىڭ ازاماتتىق جانە كاسىبي مىندەتىن ابىرويمەن اتقارۋدا.
ءتىپتى كىشكەنتاي قازاقستاندىقتار ەلىمىزدىڭ باس دارىگەرى ەلجان بىرتانوۆقا حات جازىپ, ادام دەنساۋلىعىنىڭ قامىن ويلاۋدى سۇرادى. رايدا اتتى قىز بالا اناسىنىڭ اۋرۋحانادا دارىگەر بولىپ جۇمىس ىستەيتىندىگىن, ەلىمىزدىڭ اۋماعىندا ەنگىزىلگەن توتەنشە جاعدايلاردىڭ سالدارىنان تۋعان كۇنىندە ونىڭ ومىرىندەگى ەڭ باستى ادام – اناسىنىڭ جانىندا بولماعاندىعى تۋرالى جازدى. رايدا اناسىنىڭ حالىق دەنساۋلىعى ءۇشىن ماڭىزدى جۇمىسپەن اينالىسىپ جۇرگەندىگىن تۇسىنەدى, الايدا اناسىن ۇيدە قاشان كورەتىندىگىن بىلمەيدى جانە ول ءۇشىن الاڭدايدى.
ول ەلجان امانتاي ۇلىنا قازاقستاندا وسى ىندەتتىڭ تارالىپ كەتپەۋىنە جول بەرىلمەسە ەكەن, سوندا ول ءۇشىن ۇلكەن سىيلىق بولار ەدى دەيدى.
ءبىز ەپيدەميانىڭ توقتالاتىندىعىنا سەنەمىز. ول ءۇشىن اۋىزبىرشىلىك ءبىلدىرىپ, مەديتسينالىق ۇيىمدار قىزمەتىن رەسپۋبليكالىق, قالالىق جانە ت.ب. دەپ بولمەي, قازاقستاندىقتاردىڭ دەنساۋلىعى ءۇشىن بارلىق كۇشىمىزدى سالۋىمىز كەرەك.
كارديولوگيا جانە ىشكى اۋرۋلار عزي ەلىمىزدىڭ بارلىق وڭىرلەرىنەن كارديولوگيالىق, كارديوحيرۋرگيالىق, تەراپەۆتىك, ەندوكرينولوگيالىق, پۋلمونولوگيالىق, رەۆماتولوگيالىق, اللەرگولوگيالىق, گاستروەنتەرولوگيالىق, گەماتولوگيالىق اۋرۋلارمەن كەلەتىن پاتسيەنتتەرگە جوعارى مامانداندىرىلعان كومەك كورسەتەدى. الماتىدا اعىمداعى جىلعى 19 ناۋرىزدا كارانتين جاريالانىپ جانە قالانىڭ بىرقاتار مەديتسينالىق ۇيىمدارى پروۆيزورلىق ەمدەۋگە جاتقىزۋ ورنى رەتىندە بەلگىلەنگەنىن ەسكەرە وتىرىپ, ءبىزدىڭ ينستيتۋت قىزمەت كورسەتۋ بەيىنى بويىنشا الماتىلىقتاردى قابىلداۋعا جانە ەمدەۋگە دايىن.
ءبىز ءوزىمىزدىڭ كاسىبي دايىندىعىمىزدى كورسەتىپ جانە بارلىق كۇشىمىزدى سالا وتىرىپ, وسى قيىن جاعدايدى ەڭسەرەتىنىمزگە سەنەمىز. ءوزىڭىزدىڭ جانە جاقىندارىڭىزدىڭ دەنساۋلىعىن ساقتاڭىز! ادام ومىرىنە باعا جەتپەيدى.
ءبىز بىرگەمىز!», دەيدى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ ۇجىمى.