الماتىلىقتاردىڭ قايىرىمدىلىق ەسەبىنە قازاقستان رەسپۋبليكاسىنىڭ تۇڭعىش پرەزيدەنتىنىڭ قورىنان 100 ميلليون تەڭگە ءتۇستى. بۇل تۋرالى الماتى اكىمدىگىنىڭ ءباسپاسوز ورتالىعىندا وتكەن بريفينگتە قالانىڭ قوعامدىق كەڭەسىنىڭ توراعاسى راحمان الشانوۆ حابارلادى.
سپيكەر كوروناۆيرۋستىڭ تارالۋى سالدارىنان كۇردەلى جاعدايلارعا دۋشار بولاتىن ارداگەرلەر مەن مۇگەدەكتەرگە الاڭداۋشىلىق ءبىلدىردى.
«مۇنداي ادامدارعا ءبىزدىڭ تازا كوڭىلىمىز بەن قامقورلىعىمىز قاجەت. ارينە, ماتەريالدىق كومەك ايتارلىقتاي دەمەۋ بولادى», – دەدى راحمان الشانوۆ. ونىڭ مالىمەتى بويىنشا, قور قۇرىلعان كەزدەن باستاپ 711 ملن تەڭگەدەن استام دەمەۋشىلىك قارجى يگەرىلگەن, ولاردىڭ بارلىعى الەۋمەتتىك ماڭىزى بار ماقساتتارعا جۇمسالعان.
2011 جىلى: 145 ملن – پارك «حالىق»; سپورتتىق-ويىن ساۋىق كەشەنىن ىسكە قوسۋعا;
2012-2013 جىلدارى: 150 ملن – ء«بىزدىڭ تاۋلارىمىزعا كومەكتەسەمىز» قوعامدىق اكتسياسىنا;
2015 جىلى: 114 ملن – «سەلدەن زارداپ شەككەندەرگە كومەكتەسەمىز» اكتسياسىنا;
2019 جىلى: 76 ملن – ارىس قالاسىن قالپىنا كەلتىرۋگە كومەك كورسەتۋگە;
9 ملن - «بەك ەير» سامولەتىنىڭ اۋە اپاتىنان زارداپ شەككەندەرگە كومەك كورسەتۋگە جۇمسالدى.
راحمان الشانوۆ بولىنگەن قارجىلار مەن ولاردىڭ جۇمسالۋى مىندەتتى تۇردە اشىق بولاتىنىن اتاپ ءوتتى. قازىرگى ۋاقىتتا الەۋمەتتىك قامسىزداندىرۋ ورگاندارى كومەككە وتە مۇقتاج ادامداردىڭ تىزىمدەرىن جاساپ, ۇسىنىپ وتىر.
بۇدان وزگە, وسىناۋ يگىلىكتى ىسكە نيەت بىلدىرگەندەردىڭ بارلىعى ەسەپتى تولتىرۋعا, سونىمەن قاتار قارتتار مەن مۇگەدەكتەرگە ناقتىلى كومەك كورسەتىپ جۇرگەن ۆولونتەرلار قوزعالىسىنا قاتىسا الادى.
«جاڭا الاتاۋ» قوعامدىق قورى» (جاڭا الاتاۋ)
رنن 600300567791
بين 080740011034
يك №KZ826010131000165601
«قازاقستاننىڭ حالىق بانكى» اق
بيك HSBKKZKX
كبە 18 كنپ 119
تەلەفون: 8 (727) 396-74-20
باسشى بالابەكوۆ ايدار بۇيتاعالي ۇلى
ين 710315301396
الماتى