بۇل تۋرالى ماڭعىستاۋ وبلىستىق قوعامدىق كوممۋنيكاتسيالار ورتالىعىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى نۇرداۋلەت قيلىباي مالىمدەدى.
بۇل كوروناۆيرۋس ينفەكتسياسىنىڭ الدىن الىپ, ىندەتتىڭ ايماققا تارالماۋى ءۇشىن جاسالىپ وتىر.
قازىرگى تاڭدا «سكات» جانە «اەروفلوت» اۋە كومپانيالارى شەتەلگە جولاۋشىلار تاسىمالدايدى. قوس كومپانيا 40 كۇنگە دەيىن, ءساۋىردىڭ 30-نا دەيىن شەت مەملەكەتتەرگە ۇشۋدى توقتاتاتىنىن مالىمدەدى.
19 ناۋرىزدان – 30 ساۋىرگە دەيىن «اقتاۋ-تبيليسي-اقتاۋ»;
20 ناۋرىزدان – 29 ساۋىرگە دەيىن «اقتاۋ-استراحان-اقتاۋ»;
23 ناۋرىزدان – 30 ساۋىرگە دەيىن «اقتاۋ-ماحاچكالا-اقتاۋ», «اقتاۋ-كراسنودار-اقتاۋ» اۋە رەيستەرىن توقتاتادى. ماسكەۋ مەن ىستامبۇلعا ۇشاتىن اۋە كەمەلەرى دە ءساۋىردىڭ سوڭىنا دەيىن جۇمىسىن توقتاتتى. تەك 22-ءشى ناۋرىزدا «اقتاۋ-ماسكەۋ-اقتاۋ» جانە 24, 26 ناۋرىز كۇندەرى «اقتاۋ-ىستامبۇل-اقتاۋ» باعىتى بويىنشا سوڭعى رەيستەر ۇشاتىن بولادى.
27 ناۋرىز كۇنى تبيليسيگە اقتاۋدان ءبىر رەيس ۇشادى.
وسى رەيستەردىڭ توقتاتىلۋىنا بايلانىستى اۆياكومپانيالارعا ايىپپۇلسىز جانە جولاۋشىلارعا تولىق كولەمدە اۆيابيلەتتەردى قايتارۋدى رەسىمدەۋ ۇسىنىلدى. اۆيابيلەتتەردى قايتارۋدى راسىمدەۋ ءۇشىن جولاۋشىلارعا ولاردى ساتىپ الۋ ورنى بويىنشا حابارلاسۋ قاجەت.
ماڭعىستاۋ وبلىسى