الماتى قالاسى تۇرعىن ءۇي ساياساتى باسقارماسى باسشىسىنىڭ ورىنباسارى مەيىرجان وتىنشيەۆ قالاداعى كارانتين كەزەڭىندەگى جاعداي تۋرالى باياندادى.
«الماتى قالاسىندا 880 باسقارۋ ورگانى قىزمەت كورسەتەتىن 8494-كە جۋىق كوپپاتەرلى تۇرعىن ءۇي, 5465 ليفت جابدىعى, 4074-تەن استام اۋلا بار. بۇل – ەلدەگى ەڭ ءىرى تۇرعىن ءۇي قورى ەكەنىن اتاپ ءوتۋ قاجەت. «تۇرعىن ءۇي قاتىناستارى تۋرالى» زاڭعا سايكەس, كىرەبەرىستەر, ۆەستيبيۋلدەر, حولدار, دالىزدەر, باسپالداق مارشتارى مەن الاڭدارى, ليفتىلەر, ءۇي جانىنداعى جەر ۋچاسكەسى, اباتتاندىرۋ ەلەمەنتتەرى جانە ورتاق پايدالانىلاتىن باسقا دا م ۇلىك سياقتى كوندومينيۋم وبەكتىسىنىڭ بولىكتەرى كوندومينيۋم وبەكتىسىنىڭ ورتاق مۇلكى بولىپ تابىلادى. بۇل رەتتە كوپپاتەرلى تۇرعىن ءۇيدىڭ ورتاق مۇلكىن ءتيىستى تۇردە پايدالانۋعا جانە كۇتىپ-ۇستاۋعا, ونىڭ ىشىندە دەزينفەكتسيالاۋ, دەراتيزاتسيالاۋ, دەزينسەكتسيالاۋ جانە ءۇي ماڭىنداعى اۋماقتاردى سانيتارلىق تازالاۋ سياقتى قىزمەتتەردى كوندومينيۋم وبەكتىسىن باسقارۋ ورگانى, ياعني پاتەر يەلەرىنىڭ كووپەراتيۆتەرى جاۋاپتى.وسىعان بايلانىستى تۇرعىن ءۇي ساياساتى باسقارماسى اۋدان اكىمدىكتەرىمەن بىرگە پرەزيدەنتتىڭ «مەملەكەتتىڭ قىزمەت ەتۋىنىڭ تۇراقتىلىعىن قامتاماسىز ەتۋ جونىندەگى شارالار تۋرالى» جارلىعىن ورىنداۋ ءۇشىن جانە قالادا كارانتين رەجيمىن ەنگىزۋدى ەسكەرە وتىرىپ, الماتى قالاسىندا پاتەر يەلەرى كووپەراتيۆتەرىنىڭ توراعالارىمەن بىرگە كوروناۆيرۋستىڭ تارالۋ قاۋپىنە بايلانىستى كىرەبەرىستەردى زارارسىزداندىرۋ قۇرالدارىمەن دەزينفەكتسيالاۋ ارقىلى كوپپاتەرلى تۇرعىن ۇيلەردىڭ ورتاق پايدالانۋ ورىندارىندا تۇرعىنداردىڭ قاۋىپسىز بولۋىن ۇيىمداستىرۋ بويىنشا جۇمىس جۇرگىزۋدە.ازاماتتاردىڭ قاۋىپسىزدىگىن قامتاماسىز ەتۋ ماقساتىندا قازىرگى ۋاقىتتا باسقارۋ ورگاندارى كوروناۆيرۋس ينفەكتسياسىن تاراتپاۋ جانە بولدىرماۋ ماقساتىندا كىرۋ توپتارى, كىرەبەرىستەر, باسپالداق الاڭدارى, ليفتىلەر جانە ت.ب. سياقتى ورتاق م ۇلىك ەلەمەنتتەرىن قوسا العاندا, ىرگەلەس اۋماقتى كۇندەلىكتى وڭدەۋدى جۇرگىزەدى.سونىمەن بىرگە, پاتەر, تۇرعىن ەمەس ءۇي-جايدىڭ يەسى وزىنە تيەسىلى پاتەردى, تۇرعىن ەمەس ءۇي-جايدى, سونداي-اق كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ اۋىرتپالىعىن كوتەرەدى. بۇگىنگى تاڭدا ءاربىر تۇرعىنعا اي سايىنعى جارنالاردى ۋاقىتىلى ەنگىزۋ ارقىلى ءوز ۇيلەرىن كۇتىپ ۇستاۋ ماسەلەلەرىنە بەلسەندى قاتىسۋ وتە ماڭىزدى. ءدال وسى جارنالار ەڭبەكاقى تولەۋ قورىن جانە ورتاق م ۇلىكتى دەزينفەكتسيالاۋ ءۇشىن قاجەتتى قاراجاتتى ساتىپ الۋدى قالىپتاستىرادى. ورتاق پايدالانۋ ورىندارىن ۋاقتىلى سانيتارلىق وڭدەۋ مىندەتى وتكىر قويىلىپ وتىر, سوندىقتان ءبىز تۇرعىنداردى وسى ماسەلەدە بارىنشا جاۋاپكەرشىلىك تانىتۋدى سۇرايمىز. ءبىزدىڭ جەكە ازاماتتىق سانامىزعا بۇگىنگى تاڭدا ءار قالا تۇرعىنىنىڭ دەنساۋلىعى تاۋەلدى.ەگەر ءسىزدىڭ باسقارۋ ورگانىڭىز كورونوۆيرۋس ينفەكتسياسىنىڭ تارالۋىنا قارسى ارەكەت ەتۋ بويىنشا ءتيىستى شارالاردى قابىلدامايتىن جاعدايدا, ءسىز ارقاشان تۇرعىن ءۇي ساياساتى باسقارماسىنا سىزگە ىڭعايلى فورماتتا جۇگىنە الاسىز – Open-almaty.kz سايتىنا ءوتىنىش جولداۋعا, باسقارمانىڭ رەسمي سايتىندا ورنالاستىرىلعان نومىرلەرى بويىنشا, ونىڭ ىشىندە ۇيالى تەلەفوندارعا قوڭىراۋ شالۋعا بولادى, سونداي-اق, ءبىز Facebook جانە Instagram الەۋمەتتىك جەلىلەرىندە بارمىز. بۇدان باسقا, اۋدان اكىمدىگىنە دە جۇگىنۋگە بولادى.سونداي-اق ءبىز كوندومينيۋم وبەكتىسىن باسقارۋعا جانە ورتاق م ۇلىكتى كۇتىپ-ۇستاۋعا قاتىستى قانداي دا ءبىر ماسەلەلەر بويىنشا تۇرعىنداردىڭ جينالىستارىن وتكىزۋدەن باس تارتۋدى سۇرايمىز» دەدى مەيىرجان وتىنشيەۆ.