الماتى قالاسى اكىمىنىڭ ءبىرىنشى ورىنباسارى ەرلان قوجاعاپانوۆ ونلاين بريفينگ بارىسىندا قازاقستان رەسپۋبليكاسىنىڭ توتەنشە جاعدايىن قامتاماسىز ەتۋ جونىندەگى مەملەكەتتىك كوميسسيانىڭ سوڭعى شەشىمدەرى جايىندا ايتا كەلىپ, قالاعا كەلۋگە جانە شىعۋعا تىيىم سالىناتىنىن جەتكىزدى.
الماتى قالاسىندا 19 ناۋرىزدان باستاپ كارانتين رەجيمى جاريالانادى. قالانىڭ بارلىق شەكاراسى جابىلادى. سونىمەن قاتار, ازىق-ت ۇلىكتى قوسپاعاندا, بارلىق ساۋدا نىساندارى ءوز جۇمىستارىن ۋاقىتشا توقتاتادى. بۇرىن حابارلاعانىمىزداي, «جاسىل ءدالىز» جوباسى بارلىق كولىك پەن وسى كولىك قۇرالدارىندا جۇرەتىن پەرسونالدىڭ تولىق سانيتارلىق-گيگيەنالىق جاعدايىن قامتاماسىز ەتۋ ءۇشىن ۇيىمداستىرىلادى. قالا شەكاراسىنداعى ءتارتىپتى قاداعالاۋعا پوليتسيا قىزمەتكەرلەرى, «ۇلتتىق ۇلان» جانە قارۋلى كۇشتەر, اسكەري قىزمەتكەرلەردەن قۇرالعان 27 پوست بەلگىلەندى.
ولاردىڭ بارلىعى ءتيىستى قۇرال-جابدىقتارمەن قامتاماسىز ەتىلەدى. ەرتەڭنەن باستاپ قالاعا كىرۋگە جانە شىعۋعا تىيىم سالىنادى. سونداي-اق بۇل ءتارتىپ الماتى قالاسىندا جۇمىس ىستەيتىن, بىراق قالا ماڭىنداعى اۋماقتاردا تۇراتىن تۇرعىندارعا دا قاتىستى بولماق. جۇمىس بەرۋشىلەر قىزمەتكەرلەرىن قازىردەن باستاپ اقىلى ەڭبەك دەمالىسىنا نەمەسە قاشىقتان جۇمىس ىستەۋ رەجيمىنە جىبەرە باستايدى. قالانىڭ تىنىس-تىرشىلىگىن قامتاماسىز ەتەتىن قىزمەتكەرلەر, ونىڭ ىشىندە, قۇقىق قورعاۋ ورگاندارىنىڭ قىزمەتكەرلەرى, قوعامدىق كولىك, كوممۋنالدىق قىزمەت جۇرگىزۋشىلەرى قالا اۋماعىنا ۋاقىتشا ورنالاستىرىلاتىن بولادى. وسىعان بايلانىستى كاسىپورىنداردا قازىردەن باستاپ شتاتتىق قۇرامدى ۋاقىتشا وڭتايلاندىرۋدى جانە بارلىق ماسەلەنى قازاقستان رەسپۋبليكاسىنىڭ زاڭناماسىنا سايكەس كەلتىرۋدى ۇسىندى.