اقتاۋ قالالىق پوليتسيا باسقارماسى كامەلەتكە تولماعانداردىڭ قاتىسۋىمەن بولاتىن جول-كولىك وقيعالارىنىڭ سانىن ازايتۋ ماقساتىندا جۇرگىزۋشىلەردى جولدا ساق بولۋعا شاقىراتىن بيلبوردتار ورناتتى. بۇل تۋرالى ماڭعىستاۋ وبلىسى پوليتسيا دەپارتامەنتى ءباسپاسوز قىزمەتى حابارلادى.
- جۇرگىزۋشىلەر اتقارىلىپ جاتقان كەشەندى شارالارعا قاراماستان, ءالى دە بالالاردىڭ قاتىسۋىمەن بولاتىن جول-كولىك وقيعالارىن تۋدىرادى. كەيبىر وقيعالار قايعىلى اياقتالادى. وسى جىلدىڭ قاڭتار ايىندا 27 شاعىن اۋداندا جۇك كولىگىنىڭ جۇرگىزۋشىسى جەتى جاسار بالانى قاعىپ كەتكەن. كوپتەگەن جاعدايلاردا جول-كولىك وقيعاسىنا جولدى دۇرىس ءوتۋدى ۇيرەتپەگەن كىشكەنتاي جاياۋ جۇرگىنشىلەردىڭ اتا-انالارى كىنالى. بىراق جۇرگىزۋشىلەر كولىك – جوعارى قاۋىپتىلىك كوزى ەكەنىن ەستە ساكتاپ مۇقيات بولعانى ءجون, - دەيدى اقتاۋ قالالىق پب-ءنىڭ اكىمشىلىك پوليتسيا ءبولىمىنىڭ اعا ينسپەكتورى يان سادىكين.
اقتاۋ قالالىق پب اكىمشىلىك پوليتسيا ءبولىمىنىڭ باستاماسىمەن اۆتوجول ۋچاسكەلەرىنىڭ بىرىندە كىشكەنتاي جاياۋ جۇرگىنشىلەر بەينەلەنگەن بيلبورد ورناتىلدى.
پوليتسەيلەردىڭ پىكىرىنشە, مۇنداي الدىن الۋ شارالارى بالالاردىڭ قاتىسۋىمەن بولعان جول-كولىك وقيعاسىنىڭ تومەندەۋىنە قول جەتكىزۋگە مۇمكىندىك بەرەدى. سوندىقتان دا جول قوزعالىسى قاۋىپسىزدىگى جونىندەگى باعدارلاماعا جاسىل جارىق بەرۋ تۋرالى شەشىم قابىلداندى.
- بيلبوردتاردى ورناتۋدىڭ پايداسى زور. ويتكەنى ءبىزدىڭ زاڭناما جول قوزعالىسىنا قاتىسۋشىلاردى ءارتۇرلى ونىمدەردى جارنامالايتىن ءتۇرلى جارنامالىق قالقاندارمەن الاڭداتۋعا رۇقسات ەتەدى. بۇل جاعدايدا جاياۋ جۇرگىنشىلەر ءۇشىن دە, جۇرگىزۋشىلەر ءۇشىن دە وڭ ناتيجە كۇتىلۋدە, - دەلىنگەن ۆەدومستۆونىڭ ءباسپاسوز حابارلاماسىندا.