قازاقستان رەسپۋبليكاسى ىشكى ىستەر ورگاندارى تەرگەۋ قىزمەتىنىڭ قۇرىلعانىنا 57 جىل تولۋى قارساڭىندا ماڭعىستاۋ وبلىسى پوليتسيا دەپارتامەنتى باستىعىنىڭ ورىنباسارى پوليتسيا پولكوۆنيگى امانگەلدى دوسجانوۆتىڭ توراعالىعىمەن پد تەرگەۋ باسقارماسىنىڭ تەرگەۋشىلەرى مەن انىقتاۋشىلارى وسى سالادا كوپ جىلدار بويى قىزمەت ەتكەن ارداگەرلەر اعالارىمىز قۋاندىقوۆ جۇماعالي, سارين قايرات, ساۋلەباەۆ راشيد, نسانباەۆ حايروللامەن كەزدەستى. بۇل تۋرالى ماڭعىستاۋ وبلىسى پوليتسيا دەپارتامەنتىنىڭ ءباسپاسوز قىزمەتى حابارلادى.
باس قوسۋدىڭ ماقساتى وبلىسىمىزدىڭ تەرگەۋ سالاسىنىڭ دامۋىنا زور ۇلەس قوسىپ, قىزمەتكەرلەردىڭ ءبىلىمى مەن كاسىبي تاجىريبەسىن ارتتىرۋ جولىندا وزدەرىنىڭ ەڭبەكتەرىن اياماي, بارلىق كۇش جىگەرىن سالعان تەرگەۋ سالاسىندا قىزمەت ەتكەن ارداگەر اعالارمەن تەرگەۋ سالاسىنىڭ جاس بۋىنىمەن تانىستىرۋ, وسى كىسىلەردى ۇلگى تۇتىپ, ەلىمىزگە ادال قىزمەت ەتە وتىرىپ, ەڭبەكتە جاقسى ناتيجەلەرگە جەتۋگە جول كورسەتۋ.
سوندىقتان ازاماتتاردىڭ پوليتسياعا دەگەن سەنىمى تەك اتقارعان جۇمىستاردىڭ ناتيجەلەرى بويىنشا عانا بەلگىلەنبەيدى, قىزمەتكەرلەردىڭ ولارعا دەگەن كوزقاراسىنا, ادامگەرشىلىك جانە ونەگە قاسيەتتەرىنە, قىزمەتتەن تىس ۋاقىتتا دا كوپشىلىك ورتادا ءوز-ءوزىن ۇستاي ءبىلۋ, وزگەلەرگە ۇلگى بولاتىن قارىم-قاتىناس جاساي بىلۋىنە دە بايلانىستى.
ارداگەرلەر قىزمەتتەگى ءتۇرلى قيىندىعى مەن اۋىرلىعىنان تۇراتىن بەلەستەردىڭ بارلىعىنان ءوتىپ, ادال قىزمەت اتقارىپ, ەرەن ەڭبەكتەرىنىڭ ارقاسىندا حالىقتىڭ يگىلىنە بولەنگەن.
ا.دوسجانوۆ تەرگەۋ سالاسىندا قىزمەت ەتكەن ارداگەرلەرگە ءوز تىلەگىن ايتىپ, ءسوز سوڭىندا ىشكى ىستەر ورگاندارى تەرگەۋ قىزمەتىنىڭ قۇرىلعانىنا 57 جىل تولۋىنا وراي ماڭعىستاۋ وبلىسىنىڭ تەرگەۋ قۇرىلىمدارى جۇمىسىنىڭ دامۋىنا قوسقان زور ۇلەسى جانە ۇلكەن ۇيىمداستىرۋشىلىق شەبەرلىكتەرى مەن قىزمەتتىك مىندەتتەرىن ادال اتقارعان ءۇشىن ماڭعىستاۋ وبلىسى پد باستىعى پوليتسيا گەنەرال-مايورى ج.باقتىباەۆتىڭ اتىنان «العىس حاتپەن» ماراپاتتادى.