كەشە ارال قالاسىنىڭ تۇرعىنىنان اۋداندىق پوليتسيا بولىمىنە ءۇي جانىندا ونىڭ 7 جاسار ۇلىن يت قاۋىپ العاندىعى تۋرالى حابارلاما تۇسەدى. وقيعا ورنىنا دەرەۋ جەتكەن پوليتسيا قىزمەتكەرلەرى الاباي تۇقىمدى ءيتتىڭ ۇيدەن ەشكىمدى شىعارماي تۇرعانىن كورىپتى.
ءتىپتى شاقىرۋمەن كەلگەن «جەدەل جاردەم» دارىگەرلەرىنىڭ دە بالانى الىپ كەتۋىنە قاباعان يت كەدەرگى كەلتىرىپتى. پوليتسەيلەر ءيتتى اۋلادان قاۋىپسىزدەۋ جەرگە شىعارىپ, وعان تابەلدىك قارۋ قولدانۋعا ءماجبۇر بولدى. بالا شۇعىل تۇردە اۋرۋحانانىڭ تراۆموتولوگيا بولىمىنە جەتكىزىلدى. دارىگەرلەر ونىڭ دەنساۋلىعىنا ەشقانداي قاۋىپ ءتونىپ تۇرماعانىن ايتىپ وتىر.
قازىر اتالعان فاكتى بويىنشا ءيتتىڭ يەسىن انىقتاۋ ءۇشىن تەكسەرۋ شارالارى جۇرگىزىلۋدە. ال تابەلدىك قارۋدى قولدانۋ فاكتىسى بويىنشا جۇرگىزىلگەن تەكسەرۋ پوليتسيا قىزمەتكەرى ازاماتتاردىڭ ومىرىنە نەمەسە دەنساۋلىعىنا تىكەلەي قاۋىپ توندىرەتىن جانۋاردى زالالسىزداندىرۋ ءۇشىن زاڭ شەڭبەرىندە ارەكەت ەتكەنىن كورسەتتى.