«قازاقستان رەسپۋبليكاسىندا كوروناۆيرۋستىق ينفەكتسيانىڭ تارالۋىنىڭ الدىن الۋ شارالارىن كۇشەيتۋ تۋرالى» قازاقستان رەسپۋبليكاسى ۇكىمەتىنىڭ شەشىمىنە سايكەس قر اۋماعىندا, ونىڭ ىشىندە الماتى قالاسىندا بۇرىن جوسپارلانعان ءىس-شارالاردى كوشىرۋ نەمەسە توقتاتۋ تۋرالى شەشىم قابىلداندى.
الماتى قالاسىنىڭ مادەنيەت باسقارماسى كەلەسى شەكتەۋلەردى ەنگىزۋدە:
2020 جىلدىڭ 13 ناۋرىزىنان باستاپ الماتى قالاسىنىڭ اۋماعىندا بارلىق بۇقارالىق مادەني ءىس-شارالاردى, كونفەرەنتسيا, سەمينارلار, كورمەلەردى وتكىزۋگە ۋاقىتشا تىيىم سالۋ ەنگىزىلسىن; حالىقارالىق مادەني ءىس-شارالارعا بارۋ ماقساتىندا 1ا, 1ب, 2 جانە 3 ساناتتاعى ەلدەرگە شىعۋعا شەكتەۋ ەنگىزۋ.الماتى قالاسىنىڭ مادەنيەت باسقارماسى شاھاردىڭ بارلىق ءتيىستى ۇيىمدارى مەن مادەنيەت مەكەمەلەرىنە ءوز ۇيىمدارىنىڭ اۋماعىندا قاجەتتى قۇرالدارمەن: سانيتايزەرلەر, انتيسەپتيكتەر جانە كوروناۆيرۋستىق ينفەكتسيانىڭ الدىن الۋ جونىندەگى جادىنامالارمەن قامتاماسىز ەتۋدە سانيتارلىق-پروفيلاكتيكالىق ءىس-شارالاردى كۇشەيتۋ جونىندە ۇسىنىستار ءبىلدىردى.
مادەنيەت باسقارماسى بەكىتكەن جوسپارعا سايكەس 2020 جىلدىڭ ءبىرىنشى جارتىجىلدىعىنا 40-تان استام ءىس-شارالار جوسپارلانعان. ونىڭ ىشىندە, بۇگىنگى تاڭدا 14-ءى توقتاتىلسا, قالعان 26 شارا اعىمداعى جىلدىڭ ەكىنشى جارتىجىلدىعىنا اۋىستىرىلدى.
الماتى قالاسى بويىنشا مادەني-بۇقارالىق ءىس-شارالاردىڭ كۇنتىزبەلىك جوسپارىنا سايكەس مونيتورينگ جۇرگىزىلدى. ونىڭ قورىتىندىسى بويىنشا ناۋرىز-ءساۋىر ايلارىندا مادەني-ويىن-ساۋىق ۇيىمدارى بويىنشا 211, ال تەاترلاردا 383 ءىس-شارالارعا شەكتەۋ قويىلدى. قالا بويىنشا بارلىعى 608 ءىس-شارا توقتاتىلدى.
سونداي-اق, بۇگىندە قالادا بارلىق كينوتەاترلار, حايۋاناتتار باعى, مۇراجايلار, كىتاپحانالار جۇمىسىن توقتاتتى.
الماتى