گەن ليپين, باس كونسۋل: قىتاي ۇكىمەتىنىڭ كوروناۆيرۋسپەن كۇرەسى ءوز ناتيجەسىن بەرە باستادى

بۇل تۋرالى قىتاي حالىق رەسپۋبليكاسىنىڭ  قازاقستانداعى باس كونسۋلى گەن ليپين: «بۇكىل الەمدى الاڭداتىپ وتىرعان كوروناۆيرۋس پاندەمياسىنا قاتىستى جاعدايدى بارشامىز ءبىلىپ وتىرمىز. مەن كۇن سايىن ەپيدەميالىق جاعدايدىڭ دامۋىن ءجىتى باقىلاي كەلە, قوعامدىق دەنساۋلىق ساقتاۋدى نىعايتۋ بۇكىل الەمنىڭ ورتاق مىندەتى ەكەنىن تەرەڭ سەزىنەمىن.

سونداي-اق ددسۇ باس ديرەكتورى تەدروس ادحان گەبرەيەسۋستىڭ «قىتاي مەملەكەتى قابىلداپ وتىرعان شارالار تەك قانا ءوز حالقىن قورعاۋعا عانا ەمەس, بۇكىل الەمدى ساقتاۋعا باعىتتالعان. بۇل ەپيدەميانى جەڭۋدىڭ جالعىز جولى –  بارلىق مەملەكەتتەر اۋىزبىرشىلىك پەن ىنتىماقتاستىققا نەگىزدەلگەن كۇش-قۋاتىن بىرىكتىرۋگە ۇمتىلۋ قاجەت» دەگەن ءسوزىن دە تەرەڭ تۇسىنەمىن.

سول سياقتى قىتاي ۇكىمەتىنىڭ ەپيدەميامەن كۇرەس جونىندەگى شارالارى مەن وراسان كۇش-جىگەرى بىرتىندەپ ءوزىنىڭ جاقسى ناتيجەلەرىن بەرە باستاعانىن جوققا شىعارۋعا بولمايدى. وڭايعا تۇسپەگەن وراسان ارەكەتتەردىڭ ارقاسىندا قىتايداعى كوروناۆيرۋستىڭ تارالۋى اۋىزدىقتالىپ,  قاتاڭ باقىلاۋ ارالىق ناتيجەلەرگە قول جەتكىزدى. سوڭعى مالىمەتتەرگە سايكەس, ەپيدەميا مەڭدەپ تۇرعان كەزدە كۇن سايىن 3 مىڭنان استام كوروناۆيرۋس جۇقتىراتىن بولسا, سوڭعى كۇندەرى 10 شاقتى ادامدا عانا بار ەكەنى انىقتالىپ وتىر. ءبىر ايدىڭ ىشىندە ىندەت 98 پايىزعا جەڭىلدى» دەيدى. 

ماسەلەن, بۇگىن قىتايدىڭ حۋبەيدەن باسقا پروۆينتسياسىندا 8-ءشى كۇن قاتارىنان كوروناۆيرۋستىڭ جاڭا وقيعاسى تىركەلگەن جوق.

بۇگىن حۋبەي ولكەسىنىڭ ۋحان قالاسىندا كورونوۆيرۋستىڭ 5 جاڭا جاعدايى, پروۆينتسيادان تىسقارى 3 وقيعا تىركەلگەنىمەن, بۇل ادامدار باسقا مەملەكەتتەردەن ورالعاندار.

قىسقاسى, قىتاي ەلىندە كۇن وتكەن سايىن جاعداي تۇراقتالىپ كەلەدى. كەشە 15 ادامدا كوروناۆيرۋس جۇقتىرعانى راستالسا, ونىڭ 8-ءى حۋبەيدە, شاندۋندە ۆيرۋسقا شالدىققان 7 ادامنىڭ 6-اۋى باسقا ەلدەردەن كەلگەن.

قىتاي عالىمدارى ناۋرىز ايىنىڭ سوڭىنا دەيىن نولدىك ناتيجەگە جەتۋ ءۇشىن شەكارانى قاتاڭ باقىلاۋعا الىپ, دسسۇ ۇسىنىستارى مەن كەڭەسىن قاتاڭ ساقتايتىن بولادى.