قاسىم-جومارت توقاەۆ جاھاندىق ەكونوميكا مەن گەوساياسي احۋال كۇردەلى كەزەڭگە اياق باسۋىنا وراي ۇكىمەت تۇبەگەيلى وزگەرىستەر جوسپارىن ازىرلەۋى ءتيىس ەكەنىن مالىمدەدى. بۇل تۋرالى مەملەكەت باسشىسى Twitter پاراقشاسىندا جازدى.
«الەم جاھاندىق ەكونوميكا مەن گەوساياسي احۋالدى قايتا وزگەرتۋدىڭ كۇردەلى كەزەڭىنە اياق باستى. قازاقستاننىڭ الدىندا مۇلدەم جاڭا تالاپتار جاعدايىندا ەكونوميكانىڭ ورنىقتى دامۋ رەجيمىن ساقتاۋ مىندەتى تۇر. ۇكىمەت تۇبەگەيلى وزگەرىستەر جوسپارىن ازىرلەۋى ءتيىس» دەپ جازدى ول.