تۇركىستان وبلىسى, سارىاعاش اۋدانىندا "ابدۋرامان» شارۋا قوجالىعى وسىدان 7 جىل بۇرىن 10 سوتتىق جەرگە قۇلپىناي ەگۋدى باستاعان. جىل سايىن نازىك داقىلدى ءوسىرۋدىڭ قىر-سىرىن مەڭگەرىپ, مول پايداعا كەنەلگەن قوجالىق بۇگىندە قۇلپىناي كولەمىن 18 گەكتارعا جەتكىزىپ وتىر.
بىلتىرعى جىلى قوجالىق باس-اياعى 150 توننا ءونىم العان. وندىرىلگەن ءونىمدى نۇر-سۇلتان, الماتى, شىمكەنت, تاراز قالالارىمەن قاتار, كورشىلەس اۋدانداردا ساۋدالاپتى. ءساۋىر ايىندا العاشقى ءونىمىن بەرە باستايتىن قۇلپىناي القابىندا قازىر 30-عا جۋىق جەرگىلىكتى اۋىل تۇرعىندارى جۇمىسپەن قامتىلعان. ء«بىز كوپ ىزدەندىك. شەتەلدەرگە شىعىپ, سارىاعاش اۋدانىنىڭ كليماتىنا قولايلى سورتتاردى اكەلدىك. وتكەن جىلى جالپى قۇنى – 50 ملن تەڭگەنى قۇرايتىن جوبا اياسىندا 18 گەكتار جەرگە تامشىلاتىپ سۋارۋ ءادىسىن ەندىردىك. بۇل جوبا تولىق ىسكە اسسا, جىلىنا 350 توننا ءونىم الۋعا بولادى. سونداي-اق, 45 ادامدى جۇمىسپەن قامتيتىن بولامىز», – دەيدى قوجالىق توراعاسى ا.شىمبەرگەنوۆ.
الداعى جىلدارى قوجالىق قۇلپىنايدى جىلىجايدا ءوسىرىپ, 6 اي بويى ءونىم الۋدى جوسپارلاپ وتىر.