بۇل تۋرالى ماڭعىستاۋ وبلىسى اكىمىنىڭ ورىنباسارى قانىبەك جۇماشەۆ «قوعامدىق كوممۋنيكاتسيا ورتالىعىندا» وتكەن بريفينگتە مالىمدەدى.
11 ناۋرىزدا دۇنيەجۇزىلىك دەنساۋلىق ساقتاۋ ۇيىمى COVID-19 جاڭا كوروناۆيرۋستىق ينفەكتسيا پاندەمياسىن جاريالادى. ەل پرەزيدەنتى قاسىم-جومارت توقاەۆ قازاقستاندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندە ناقتى مىندەتتەر قويدى. وسىعان وراي, قر پرەمەر-ءمينيسترىنىڭ ورىنباسارى ەرالى توعجانوۆ باق وكىلدەرىنە ارنايى بريفينگ وتكىزىپ, قابىلدانعان شارالار تۋرالى حاباردار ەتتى.
ۇكىمەت قابىلدانعان شەشىمگە سايكەس, 13-14 ناۋرىز كۇندەرى «اداي اتا – وتپان تاۋ» رۋحاني تاريحي-مəدەني كەشەنىندە وتەتىن شارا كەيىنگە شەگەرىلدى. شارادا كيىز ۇيلەر تىگىلىپ, 5 000-عا جۋىق ادام جينالاتىندىقتان, تۇرعىنداردىڭ قاۋىپسىزدىگىن قامتاماسىز ەتۋ ءۇشىن وسىنداي شەشىم قابىلداندى.
-امال مەرەكەسى – تاتۋلىقتىڭ, كەلىسىمنىڭ مەيرامى. ەڭ ءبىرىنشى كەزەكتە ادامنىڭ دەنساۋلىعى ماڭىزدى ەكەنىن ءبىز ءتۇسىنۋىمىز كەرەك. سوندىقتان ويىمىز ءبىر جەردەن شىعىپ, اۋىزبىرشىلىگىمىزدى كورسەتەيىك. تۇسىنىستىكپەن قاراۋلارىڭىزدى سۇرايمىز, دەدى ءسوز سوڭىندا ق.جۇماشەۆ.
ايماقتاعى ادام كوپ جينالاتىن مادەني شارالاردىڭ بارلىعى توقتاتىلدى.