وبلىس اكىمى قۋانىشبەك ىسقاقوۆ قارماقشى اۋدانىنا ساپارلاپ, بىرقاتار نىسان جۇمىسىمەن تانىستى.
ايماق باسشىسى الدىمەن اۋدان اۋماعىنداعى قۋرايلى كانالىن كۇردەلى جوندەۋ جۇمىستارىمەن تانىستى. كانالدى قايىر باسىپ, اۋداننىڭ ەگىستىك جەرلەرىنە سۋ جەتكىزۋ ماسەلەسى قيىندىق تۋدىرىپ كەلگەن. قازىر قۇنى 168 ملن تەڭگە بولاتىن جوبا سمەتالىق قۇجات ازىرلەنىپ, «قازسۋشار» رمك قىزىلوردا فيليالى كانالدى تازالاۋدا.
ايماق باسشىسى بۇل جۇمىستى شارۋا قوجالىقتارىمەن بىرىگىپ جۇرگىزۋدى تاپسىردى.
ساپار اياسىندا قۋانىشبەك دوسمايىل ۇلى اۋدان ورتالىعىندا ورنالاسقان كۆارتالىشىلىك گاز تارتۋ جۇمىستارىنىڭ بارىسىمەن دە تانىستى. كەنتتە وتكەن جىلدان باستاپ جالپى ۇزىندىعى 160 شاقىرىم بولاتىن ىشكى گازداندىرۋ جۇمىستارىنىڭ قۇرىلىسى جۇرگىزىلۋدە. وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مەدەت ۋساين وسى باعىتتاعى جۇمىس بارىسىن تانىستىردى.
- مامىر ايىنداعى اتاۋلى مەرەكەلەر قارساڭىندا قارماقشى جانە سىرداريا اۋدانى تۇرعىندارىنىڭ ءبىر بولىگىنە گاز بەرۋ ماسەلەسىن شەشىڭىزدەر. جالپى جوسپارلانعان ءۇش اۋدانعا كوگىلدىر وتىن كۇزگە دەيىن تولىق بەرىلۋى كەرەك, – دەدى وبلىس اكىمى.
سونىمەن قاتار ايماق باسشىسى ق.ىسقاقوۆ قارماقشى اۋداندىق ەلەكتر تاراتۋ تورابىنىڭ جانە قارماقشى اۋداندىق اگرارلى-تەحنيكالىق كوللەدجىنىڭ جۇمىسىمەن دە تانىستى.