قىزىلوردادا وبلىس اكىمى قۋانىشبەك ىسقاقوۆتىڭ توراعالىعىمەن cالىق سالۋ بازاسىن كەڭەيتۋگە ارنالعان ءماجىلىس ءوتتى. وندا سالىق بازاسىن كەڭەيتۋ اياسىندا بىلتىر اتقارىلعان جۇمىستار مەن الداعى مىندەتتەر تالقىلاندى.
وسى تاقىرىپتا مەملەكەتتىك كىرىستەر دەپارتامەنتىنىڭ باسشىسى عالىمجان ورىنوۆ بايانداما جاسادى. حابارلاماشى سالاداعى ماسەلەنىڭ ءبىرى رەتىندە مەملەكەتتىك ساتىپ الۋعا قاتىسۋشىلاردىڭ سالىق تولەۋ كەزىندە جالدامالى جۇمىسشىلار سانىن تولىق كورسەتپەيتىندىگىن اتاپ ءوتتى.
وبلىس باسشىسى سالىق سالۋ بازاسىن ۇلعايتۋ جۇمىستارى بارىسىنداعى كەيبىر كەمشىلىكتەردى سىنعا الدى.
– مىسالى, وبلىستىق پوليتسيا دەپارتامەنتىنىڭ مالىمەتى بويىنشا 2019 جىلدىڭ قورىتىندىسىمەن اۋداندار اياسىندا زاڭدى جانە جەكە تۇلعالاردان كولiك قۇرالدارىنىڭ سانى – 136 443. ال, اۋداندار اقپاراتىندا ول 117 398 بولىپ تۇر, ايىرماسى جەر مەن كوكتەي. كولىك قۇرالدارىنا سالىق تولەۋشىلەردىڭ سانىنىڭ مۇنداي الشاقتىعى تۇسىنىكسىز,- دەدى وبلىس اكىمى.
ايماق باسشىسى اۆتوكولىكتەردىڭ سالىعىن رەتتەۋگە قاتىستى قالا مەن بارلىق اۋدان جانە اۋىلدىق وكرۋگ اكىمدەرىنە تاپسىرما بەردى. سونداي-اق, مەملەكەتتىك كىرىستەر دەپارتامەنتى مەن پوليتسيا دەپارتامەنتى بىرلەسىپ, كولىك قۇرالدارىنا تۇگەندەۋ جۇرگىزىپ, جارامسىز جانە جوق كولىكتەردى مەملەكەتتىك تىركەۋدەن شىعارۋ جۇمىستارىن ۇيىمداستىرۋدى تاپسىردى.
ماجىلىستە 4-ءشى دەڭگەيلى بيۋدجەت تۋرالى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى نۇرعالي قورداباي بايانداما جاسادى. بۇگىندە 4-ءشى دەڭگەيلى بيۋدجەت اياسىندا سالىقتىق تۇسىمدەردىڭ 7 ءتۇرى, سالىقتىق ەمەس تۇسىمدەردىڭ 4 ءتۇرى جانە بيۋدجەت شىعىندارىنىڭ 19 باعىتى اۋىل اكىمىنىڭ يەلىگىنە بەرىلگەن.
ايماق باسشىسى جىل باسىندا اۋدانداردى ارالاۋ كەزىندە اۋىلداعى نەگىزگى پروبلەمانىڭ ءبىرى رەتىندە تۇرعىندار اۆتوموبيل جولدارىن جوندەۋ ماسەلەسىن ءجيى كوتەرگەندىگىن ايتىپ, قىزىلوردا قالاسى مەن بارلىق اۋدان, اۋىلدىق وكرۋگ اكىمدەرى بيۋدجەت تۇسىمدەرىن بارىنشا دۇرىس جوسپارلاپ, اۋىلدا جاسالۋعا ءتيىستى الەۋمەتتىك باعىتتار شەڭبەرىندە حالىقتىڭ قاجەتتىلىگىن ەسكەرۋدى تاپسىردى.
– سالىق جينالسا, اۋىلداعى الەۋمەتتىك ماسەلەلەر شەشىلەدى. بارلىعى دا اۋىلدىڭ جاعدايىن جاقسارتۋعا باعىتتالادى, قالاي, قايدا جۇمساۋ قاجەتتىلىگىن اۋىلداعى قوعامدىق كەڭەسپەن اقىلداسا وتىرىپ, شەشۋگە مۇمكىندىك بار. ەندى سول شارۋانى جوعارى دەڭگەيدە اتقارۋ سىزدەردىڭ مىندەتتەرىڭىز. سوندىقتان بۇل ماسەلەدە بارلىعىمىز تياناقتىلىق تانىتىپ, اسا جاۋاپكەرشىلىكپەن جۇمىس جۇرگىزۋىمىز قاجەت. سەبەبى ونىڭ ارتىندا حالىقتىڭ ءومىر ءسۇرۋ ساپاسى تۇر. ال, حالىقتىڭ جاعدايى ءبىز ءۇشىن قاشاندا باستى ورىندا,- دەدى ايماق باسشىسى.