بۇگىن پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىن جۇمىسقا الدى.
«اتالعان زاڭ جوباسى مەملەكەت باسشىسىنىڭ 2019 جىلعى 2 قىركۇيەكتەگى جولداۋىن ورىنداۋ ماقساتىندا ازىرلەندى. قۇجاتتىڭ نەگىزگى ماقساتى – ازاماتتاردىڭ بەيبىت جانە قارۋسىز جينالۋعا, جينالىستار, ميتينگىلەر مەن دەمونستراتسيالار, شەرۋلەر مەن پيكەتتەر وتكىزۋگە كونستيتۋتسيالىق قۇقىقتارىن ىسكە اسىرۋ, سونداي-اق ەلدى مەكەندەردەگى ارنايى ورىنداردى انىقتاۋ», - دەدى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى نۇرلان ءابدىروۆ.
ونىڭ ايتۋىنشا, زاڭ جوباسى قابىلدانعان جاعدايدا ول قوعامدىق-ساياسي تۇراقتىلىققا وڭ اسەرىن تيگىزەدى. كوميتەت زاڭ جوباسىن جۇمىسقا الۋعا جانە ول بويىنشا 2020 جىلعى 27 قاراشاعا دەيىنگى مەرزىمدە قورىتىندى ازىرلەۋگە دايىن.