بۇگىن الماتى قالاسىنىڭ اكىمى باقىتجان ساعىنتاەۆتىڭ توراعالىعىمەن وتكەن اپپارات جينالىسىندا مەگاپوليس اۋماعىندا كوروناۆيرۋستى ينفەكتسيانىڭ كەلۋى مەن تارالۋىنا جول بەرمەۋ بويىنشا ەپيدەمياعا قارسى جانە پروفيلاكتيكالىق ءىس-شارالاردى جۇزەگە اسىرۋ بارىسى قارالدى.
بۇگىن الماتى قالاسىنىڭ اكىمى باقىتجان ساعىنتاەۆتىڭ توراعالىعىمەن وتكەن اپپارات جينالىسىندا مەگاپوليس اۋماعىندا كوروناۆيرۋستى ينفەكتسيانىڭ كەلۋى مەن تارالۋىنا جول بەرمەۋ بويىنشا ەپيدەمياعا قارسى جانە پروفيلاكتيكالىق ءىس-شارالاردى جۇزەگە اسىرۋ بارىسى قارالدى.
بۇگىندە الەمنىڭ 103 ەلىندە COVID-2019 اۋرۋى تىركەلگەن. كوروناۆيرۋستىڭ تارالۋىنا جول بەرمەۋ جونىندەگى وڭىرلىك شتابتىڭ توراعاسى - الماتى قالاسى اكىمىنىڭ ورىنباسارى ەرجان باباقۇماروۆ مەگاپوليستە ەپيدەميولوگيالىق جاعدايدىڭ الدىن الۋ بويىنشا جۇرگىزىلىپ جاتقان جۇمىستار تۋرالى باياندادى. الماتىدا كوروناۆيرۋستىق ينفەكتسيانىڭ كەلۋىنە جول بەرمەۋ شارالارى كۇشەيتىلدى. كەلگەن حالىقارالىق رەيستەردى باقىلاۋ بويىنشا جۇمىس جالعاسۋدا. كۇن سايىن 25 سانەپيدەميولوگ جانە 8 سانيتارلىق-كارانتيندىك باقىلاۋ قىزمەتكەرى جۇمىس ىستەيدى. اعىمداعى جىلدىڭ 1 اقپانىنان باستاپ 1140-تەن استام اۋەرەيسكە قىزمەت كورسەتىلدى. 250 مىڭنان استام جولاۋشى دەكلاراتسيالاندى. بۇگىندە مەديتسينا قىزمەتكەرلەرىنىڭ باقىلاۋىندا 12 412 ادام بار. قاۋىپتى ەلدەردەن كەلگەندەر وقشاۋلاندى, ولاردى ورنالاستىرۋ ءۇشىن مامانداندىرىلعان مەديتسينالىق نىساندار قاراستىرىلعان. كوروناۆيرۋستى انىقتاۋعا الىنعان 690 سىناق ناقتىلانعان جوق. بۇل رەتتە جرۆي مەن تۇماۋدىڭ 23 جاعدايى تىركەلدى. كوروناۆيرۋس تارالعان ەلدەردەن كەلگەن ەڭبەك ميگرانتتارىنا رۇقسات بەرۋ جۇمىسى توقتاتىلدى.
ءدارى-دارمەكپەن قامتاماسىز ەتۋ, مەديتسينالىق بۇيىمدار مەن جەكە قورعانۋ قۇرالدارى بويىنشا دەنساۋلىق ساقتاۋ مينيسترلىگىمەن بىرلەسكەن جۇمىس جۇرگىزىلۋدە.
پروفيلاكتيكا اياسىندا بارلىق قوعامدىق ورىنداردى قولدى جۋ جانە وڭدەۋ ءۇشىن سانيتايزەرلەرمەن قامتاماسىز ەتۋ بويىنشا ۇسىنىستار بەرىلدى. 202 مەكتەپتە, 183 بالاباقشادا, قوسىمشا 18 ءبىلىم بەرۋ ۇيىمدارىندا, 20 كوللەدجدە 1859 بىرلىك انتيسەپتيك ورناتىلدى. مەتروپوليتەندە دە جۇمىستار باستالدى.
سونىمەن قاتار شتاب توراعاسى ە. باباقۇماروۆ بۇگىنگى كۇنى دەزينفەكتسيالىق جانە انتيسەپتيكالىق قۇرالدارمەن جابدىقتاۋ جۇمىستارى بارلىق ۇيىمداردا اياقتالماعانىن اتاپ ءوتتى. جەكە مەنشىك ءبىلىم بەرۋ مەكەمەلەرى, ۋنيۆەرسيتەتتەر, بازارلار, حقكو, مەشىتتەر, بانك پەن قازپوشتا بولىمشەلەرى, اۆتوۆوكزالدار, قوناق ۇيلەر, كينوتەاترلار, قوعامدىق كولىكتى سىنعا الدى. ولار الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ دەرەكتەرىن, زارارسىزداندىرۋ جانە انتيسەپتيكالىق وڭدەۋ جونىندەگى بازالىق ۇسىنىستاردى تولىق كولەمدە ورىندامايدى.
جيىندى قورىتىندىلاي كەلە, الماتى قالاسىنىڭ اكىمى باقىتجان ساعىنتاەۆ پروفيلاكتيكالىق جانە ەپيدەمياعا قارسى ءىس-شارالاردى ساپالى جۇزەگە اسىرۋ بويىنشا بارلىق شارالاردى قوسا بەرۋدى, قاۋىپتى ايماقتاردان كەلەتىن ادامداردى باقىلاۋدى كۇشەيتۋدى تاپسىردى.