اقش-تىڭ ورتالىق بارلاۋ باسقارماسى وزدەرىنىڭ 1953 جىلعى يراندا بولعان توڭكەرىسكە تىكەلەي قاتىسى بارلىعىن ناقتىلايتىن ماتەريالداردى جاريا ەتتى. بۇل قۇجات ۇلتتىق قاۋىپسىزدىك قىزمەتى مۇراعاتىنىڭ سايتىندا جاريالانعان.
قازىرگى كەزدە 21 قۇجاتپەن عانا تانىسۋعا بولادى. ولاردا ورتالىق بارلاۋ باسقارماسىنىڭ «اياكس» وپەراتسياسىن دايىنداعانى جانە جۇزەگە اسىرۋعا قاتىسقانى ايتىلعان. اتالعان وپەراتسيا يراننىڭ پرەمەر-ءمينيسترى موحاممەد موسسادىكتى بيلىكتەن تايدىرىپ, بيلىككە رەزا پەحلەۆيدى قايتا اكەلۋگە باعىتتالعان. يراندا 1953 جىلى بولعان توڭكەرىستىڭ ماقساتى – م.موسسادىكتىڭ اقش-پەن جانە ۇلىبريتانيامەن قاتىناستى ءۇزىپ, ەلدەگى مۇناي كومپانيالارىن مەملەكەتكە قايتارۋ تۋرالى زاڭ قابىلداۋىنا تىكەلەي بايلانىستى.
اقش-تىڭ ورتالىق بارلاۋ باسقارماسى وزدەرىنىڭ 1953 جىلعى يراندا بولعان توڭكەرىسكە تىكەلەي قاتىسى بارلىعىن ناقتىلايتىن ماتەريالداردى جاريا ەتتى. بۇل قۇجات ۇلتتىق قاۋىپسىزدىك قىزمەتى مۇراعاتىنىڭ سايتىندا جاريالانعان.
قازىرگى كەزدە 21 قۇجاتپەن عانا تانىسۋعا بولادى. ولاردا ورتالىق بارلاۋ باسقارماسىنىڭ «اياكس» وپەراتسياسىن دايىنداعانى جانە جۇزەگە اسىرۋعا قاتىسقانى ايتىلعان. اتالعان وپەراتسيا يراننىڭ پرەمەر-ءمينيسترى موحاممەد موسسادىكتى بيلىكتەن تايدىرىپ, بيلىككە رەزا پەحلەۆيدى قايتا اكەلۋگە باعىتتالعان. يراندا 1953 جىلى بولعان توڭكەرىستىڭ ماقساتى – م.موسسادىكتىڭ اقش-پەن جانە ۇلىبريتانيامەن قاتىناستى ءۇزىپ, ەلدەگى مۇناي كومپانيالارىن مەملەكەتكە قايتارۋ تۋرالى زاڭ قابىلداۋىنا تىكەلەي بايلانىستى.
ەكس-پرەزيدەنتكە رەسمي تۇردە ايىپ تاقتى
«فرانس-پرەسس» اگەنتتىگىنىڭ حابارلاۋىنشا, پاكستاننىڭ بۇرىنعى پرەزيدەنتى پەرۆەز مۋشاررافقا 2007 جىلى وپپوزيتسيا ليدەرى بەنازير بحۋتتونىڭ ولىمىنە قاتىسى بار دەگەن رەسمي ايىپ تاعىلعان. مۇنى كەشە پروكۋراتۋرا دا راستادى.
دەرەك كوزدەرىنە قاراعاندا, پ.مۋشارراف ءولتىرۋ ماقساتىندا سوعان ىقپال ەتتى, دەپ ايىپتالىپ وتىر. ەگەر سوت ەكس-پرەزيدەنتتىڭ كىنالى ەكەندىگىن تولىق دالەلدەيتىن بولسا, ول ءولىم جازاسىنا نەمەسە ءومىر بويى تۇرمەدە وتىرۋ جازاسىنا كەسىلۋى مۇمكىن. ەلدىڭ بۇرىنعى پرەمەر-ءمينيسترى 2007 جىلى راۆالپينديدەگى سايلاۋالدى جيىن كەزىندە جاسالعان تەررورلىق ارەكەتتەن قازا تاپقان ەدى. وپپوزيتسيا سول كۇنى-اق ب.بحۋتتونىڭ ولىمىنە پ.مۋشاررافتىڭ قاتىسى بار ەكەنىن مالىمدەگەن بولاتىن.
وزەن سۋىنىڭ دەڭگەيى 6,7 مەتردەن استى
حاباروۆسك اۋدانىنداعى امۋر وزەنىنىڭ سۋ دەڭگەيى كەشە 6,7 مەتردەن اسقان. جەرگىلىكتى توتەنشە جاعدايلار باسقارماسىنىڭ مالىمەتتەرى بويىنشا, امۋر وزەنىندەگى سۋ دەڭگەيى 673 سانتيمەترگە جەتكەن.
ءبىر تاۋلىك ىشىندە سۋ 16 سانتيمەترگە كوتەرىلىپتى. 1897 جىلى اتالعان وزەن سۋىنىڭ دەڭگەيى 642 سانتيمەترگە جەتىپتى. قيىر شىعىس گيدرومەتەورولوگيا جانە مونيتورينگ ورتالىعى 24-28 تامىز ارالىعىندا حاباروۆسك ولكەسىنىڭ استاناسىندا سۋ باسۋدىڭ قاۋپى ناعىز «شىڭىنا» جەتەدى, دەگەن بولجام جاساپ وتىر. بۇل كۇندەرى امۋر وزەنىنىڭ سۋ دەڭگەيى 730-780 سانتيمەترلىك كورسەتكىشكە جەتەتىن سياقتى.
قوزعالىس جەتەكشىسى تۇتقىنعا الىندى
«مۇسىلمان باۋىرلار» قوزعالىسىنىڭ رۋحاني كوسەمى موحاممەد بادي دۇيسەنبىدەن سەيسەنبىگە قاراعان ءتۇنى كايردە قاماۋعا الىنعان. بۇل جونىندە «رەيتەر» اگەنتتىگى ەگيپەتتىڭ مەملەكەتتىك تەلەارناسىنا سىلتەمە جاساۋ ارقىلى حابارلادى.
ەگيپەت بيلىگى م.ءباديدى جانە ونىڭ سەرىكتەستەرىن تۇتقىنداۋ تۋرالى وردەردى 24 شىلدەدە بەرگەن ەكەن. وسى ۋاقىت ىشىندە ول بوستاندىقتا جۇرگەن. «مۇسىلمان باۋىرلار» قوزعالىسى 3 شىلدەدە اسكەريلەر بيلىكتەن كەتىرگەن ەكس-پرەزيدەنت موحاممەد مۋرسيگە قولداۋ بىلدىرەدى. م.مۋرسي پرەزيدەنتتىك سايلاۋدا «مۇسىلمان باۋىرلار» قوزعالىسىنىڭ قولداۋ كورسەتۋىمەن جەڭىسكە جەتكەن ەدى. پرەزيدەنت بيلىكتەن تايدىرىلعان سوڭ, «مۇسىلمان باۋىرلار» ەلدىڭ ۋاقىتشا ۇكىمەتىمەن ىنتىماقتاستىق جاساۋدان باس تارتتى.
ءىرى كولەمدە قارۋ-جاراق پارتياسىن تاركىلەدى
نيۋ-يورك پوليتسياسى قالا تاريحىندا بۇعان دەيىن كەزدەسپەگەن ءىرى كولەمدەگى قارۋ-جاراق پارتياسىن تاركىلەدى. قالا مەرى مايكل بلۋمبەرگتىڭ مالىمدەۋىنشە, نيۋ-يورككە زاڭسىز جانە جاسىرىن تۇردە اكەلىنگەن قارۋ – 254 بىرلىكتى قۇرايدى.
وسىعان قاتىسى بار دەگەن كۇدىكپەن 19 ادام قاماۋعا الىنعان. قىلمىستىق توپتاردىڭ ارەكەتىن اشۋ وپەراتسياسى تامىز ايىندا باستالعان سياقتى. پوليتسيانىڭ مالىمەتتەرى بويىنشا, قالاعا قارۋ تۇرلەرىن جەتكىزۋدى نەگىزگى ۇيىمداستىرۋشىلار سولتۇستىك جانە وڭتۇستىك كورولينا شتاتتارىنىڭ تۇرعىنى ۋ.ۋولكەر مەن ە.كەمپبەلل بولسا كەرەك. و لار قارۋدى نيۋ-يوركتىڭ برۋكليندەگى دىبىس جازۋ ستۋدياسىندا ساقتاپ, قىمبات باعاعا ساتىپ كەلىپتى.
ەسىرتكى بارونى 15 جىلعا سوتتالدى
كاليفورنيا سوتى «تيحۋانا» اتالاتىن ەسىرتكى كارتەلى جەتەكشىلەرىنىڭ ءبىرى, مەكسيكالىق ەدۋاردو فەليكستى 15 جىلعا سوتتادى. «رەيتەر» اگەنتتىگىنىڭ حابارلاۋىنشا, سوت ونى ەسىرتكى ساتتى, زاڭسىز جولمەن پايدا تاپتى دەپ تانىعان.
ەدۋاردو فەليكس, سونداي-اق, «دوكتور» دەگەن لاقاپ اتىمەن دە بەلگىلى. ول 2008 جىلى مەكسيكادا تۇتقىندالىپ, وتكەن جىلى اقش-قا بەرىلگەن ەكەن. اقش-تىڭ قۇقىق قورعاۋ ورگاندارى فەليكسكە شىعارىلعان ۇكىمگە قاتىستى «بۇل ونىڭ ءداۋىرىنىڭ اقىرى» دەگەن تۇسىنىك بەرىپتى. 56 جاستاعى ەسىرتكى بارونى «تيحۋانا» ەسىرتكى كارتەلىنە جەتەكشىلىك ەتكەن اعايىندى تورتەۋدىڭ سوڭعىسى بولىپ تابىلادى. ولاردىڭ بىرەۋى پوليتسيامەن اتىس كەزىندە وققا ۇشسا, ەكەۋى اقش تۇرمەسىندە وتىر. ال «تيحۋانا» ەسىرتكى كارتەلى مەكسيكادا ەسىرتكى ساۋداسىمەن اينالىساتىن ءىرى ۇيىمنىڭ ءبىرى سانالادى.
قىسقا قايىرىپ ايتقاندا:
تاجىكستاننىڭ قىرعىزستان شەكاراسىنا جاقىن يسفارين اۋدانىنىڭ اۋماعىندا بەلگىسىز بىرەۋلەر بەس ادامنان تۇراتىن وتباسىن اتىپ كەتكەن. قىلمىس دۇيسەنبىدەن سەيسەنبىگە قاراعان ءتۇنى جاسالسا كەرەك.
اق ءۇيدىڭ رەسمي سايتىنىڭ حابارلاۋىنشا, اقش پرەزيدەنتى باراك وبامانىڭ وتباسى تاعى ءبىر يت اسىراپ العان. ءبىر جاسار شاماسىنداعى سانني 19 تامىزدا ميچيگاننان ۆاشينگتونداعى اقش پرەزيدەنتىنىڭ رەزيدەنتسياسىنا اكەلىنىپتى.
سەربيا ۇكىمەتى رەسەي باس پروكۋراتۋراسىنىڭ تالاپ ەتۋى بويىنشا كاسىپكەر بوريس بەرەزوۆسكيگە تيەسىلى اكتيۆتەردىڭ بىرقاتارىن تۇتقىندادى.
اقش بيلىگى ەگيپەتكە اسكەري كومەك بەرۋ ماسەلەسىن ۋاقىتشا توقتاتتى. ونىڭ سەبەپ-سالدارى قازىرگە قۇپيا قالىپ وتىر.
ينتەرنەت ماتەريالدارى نەگىزىندە ازىرلەندى.