كەشە ەلورداداعى كونگرەسس-حولل سارايىندا «ساپالى ءبىلىم مەن تاربيە بەرۋ – قازاقستاننىڭ مەملەكەتتىك ساياساتىنىڭ باسىم باعىتى» دەگەن تاقىرىپتا استانا قالاسى ۇستازدارىنىڭ ءداستۇرلى تامىز كونفەرەنتسياسى ءوتتى.
كەشە ەلورداداعى كونگرەسس-حولل سارايىندا «ساپالى ءبىلىم مەن تاربيە بەرۋ – قازاقستاننىڭ مەملەكەتتىك ساياساتىنىڭ باسىم باعىتى» دەگەن تاقىرىپتا استانا قالاسى ۇستازدارىنىڭ ءداستۇرلى تامىز كونفەرەنتسياسى ءوتتى.
تامىز كونفەرەنتسياسىن مۇعالىمدەردىڭ ەلەڭدەپ كۇتەتىنى داۋسىز. جىل سايىن ناق وسى جيىندا ولاردىڭ الدىنا ۇلكەن مىندەتتەر مەن جاۋاپكەرشىلىكتەر جۇكتەلەدى. بيىلعى باسقوسۋدىڭ دا مۇعالىمدەرگە وي سالاتىن تۇستارى از بولعان جوق. وعان جيىن بارىسىندا ءسوز العان بايانداماشىلاردىڭ وي-پىكىرلەرى دالەل.
استانا قالالىق ءبىلىم باسقارماسىنىڭ باسشىسى ءاسيما بيمەندينا ءوزىنىڭ بايانداماسىندا الدىمەن ءبىلىم سالاسىنداعى سوڭعى جىلداردىڭ جەتىستىكتەرىن شولىپ شىقتى. استانادا جان سانىنىڭ كوبەيۋى, كوپتەگەن جاستاردىڭ ءوز تاعدىرىن وسى قالامەن بايلانىستىرعىسى كەلەتىن نيەتىنىڭ بالاباقشالار مەن مەكتەپتەرگە دە ساۋلەسىن تۇسىرگەنى, سونىڭ ەسەبىنەن تەك قانا بالاباقشاعا باراتىن بالالاردىڭ سانى 2000 جىلعى 8 مىڭنان بيىل 32 مىڭ 575 بالاعا كوبەيگەنى اتالدى. «سوڭعى ون بەس جىلدا ەلىمىزدە ءبىلىم سالاسىنىڭ دامۋى ءۇشىن كوپتەگەن يگى شارالار اتقارىلدى. ودان استانا قالاسىنىڭ ءبىلىم باسقارماسى دا قالىس قالعان ەمەس. ەلورداداعى ءبىلىم بەرۋ ۇيىمدارى كوبەيىپ, 280 نىسانعا, ال مۇندا ءبىلىم بەرەتىن مۇعالىمدەردىڭ سانى 11 142-گە جەتتى. 2000-شى جىلدارداعى جاعدايمەن سالىستىرعاندا, ءبىلىم سالاسىن قارجىلاندىرۋ توعىز ەسە ءوسىپ وتىر. بۇگىندە وعان بولىنەتىن قاراجات 19 ملرد. تەڭگەگە جەتىپ وتىر. مۇعالىمدەردىڭ ايلىق جالاقىسى ءۇش ەسە ءوستى. بىلىكتىلىك دەڭگەيى بار مۇعالىمدەردىڭ جالاقىسىنا ۇستەمە قوسىلۋدا. ءۇش دەڭگەيلى بىلىكتىلىكتى باعالاۋ جۇيەسى بويىنشا سىننان وتكەن مۇعالىمدەردىڭ ايلىق جالاقىسىنا 30 پايىزدان 70 پايىزعا دەيىن, ال قالا اكىمىنىڭ گرانتىن يەلەنگەن مۇعالىمدەردىڭ ايلىق جالاقىسىنا ەلۋ پايىز ۇستەمە قوسىلدى. مىسالى قازىرگى تاڭدا استانا قالاسىندا قالا اكىمىنىڭ گرانتىن 50 مۇعالىم يەلەنىپ وتىر. 2010 جىلدان باستاپ قالاداعى باستاۋىش سىنىپ وقۋشىلارىن تەگىن تاماقپەن قامتاماسىز ەتىپ كەلەمىز. ول ماقساتقا قازىنادان 4 ملرد. 520 ميلليون تەڭگە جۇمسالدى», – دەدى ءاسيما بيمەندينا.
كونفەرەنتسيادا ءسوز العان ءبىلىم ۇيىمدارىنىڭ باسشىلارى قازىرگى تاڭدا كەزەگىن كۇتىپ تۇرعان وزەكتى ماسەلەلەرگە نازار اۋداردى. مىسالى, استانا قالاسىنداعى وقۋشىلار سارايى ديرەكتورىنىڭ يننوۆاتسيالىق تەحنولوگيالار جونىندەگى ورىنباسارى دانيەل ورازبەكوۆ وقۋشىلار سارايىندا مۋلتيمەديالىق ەكسپوناتتارمەن جابدىقتالعان ۇلتتىق ينتەراكتيۆتى پارك اشىلاتىنىن, بۇل ورايدا وقۋشى بالالاردى قىزىقتىراتىن بىرنەشە جوبالاردىڭ قامتىلاتىنىن مالىمدەپ, بىراق وعان مول قاراجاتتىڭ دا كەرەك ەكەندىگىن جەتكىزدى. ارينە, اشىلعانىنا ءالى ەكى جىل تولا قويماعان وقۋشىلار سارايىنىڭ اتقارار ىستەرى ءالى الدا. دەسە دە, مۇنداعى 137 ۇيىرمەگە 9 مىڭنان اسا بالانىڭ جازىلىپ, وسى ۋاقىتتا مەكەمەدە 160-تان اسا ءىس-شارالاردىڭ ۇيىمداستىرىلعانى جاعىمدى جايت. ال, استانا ەكونوميكا ليتسەيىنىڭ ديرەكتورى باقىت سىزدىقوۆا ءوزىنىڭ ءبىلىم ساپاسىن كوتەرۋگە قاتىستى ويلارىمەن ءبولىستى. قازىرگى جاڭا الەمدە بالاسىن اقىلى ءبىلىم بەرەتىن مەكتەپتەرگە اپاراتىن اتا-انالار ەڭ الدىمەن ساپالى ءبىلىمدى تالاپ ەتەتىنىن, سول ءۇشىن عانا اقشا تولەيتىنىن اشىق ايتتى. سونداي-اق, اقپاراتتىق-كوممۋنيكاتسيالىق تەحنولوگيالاردى ەڭ كوپ پايدالاناتىن دا اقىلى مەكتەپتەر ەكەنىن باياندادى. «مىسالى ءبىزدىڭ مەكتەپتىڭ 24 كابينەتىندە ينتەراكتيۆتى تاقتا مەن زاماناۋي كومپيۋتەرلەر جۇمىس ىستەيدى. سوڭعى جىلدارى اقىلى مەكتەپتە وقيتىن بالالار سانى ءتورت ەسە كوبەيدى. بىراق, مەكتەپتەر سانى سول بۇرىنعى ون ەكىمەن شەكتەلىپ تۇر», دەگەن ليتسەي ديرەكتورى بۇعان جالعا العان عيماراتتاردا مەكتەپ اشۋعا رۇقساتتىڭ جوقتىعى قولبايلاۋ بولىپ وتىرعانىن ايتىپ, ءبىلىم جانە عىلىم مينيسترلىگىنەن وسى ماسەلەنى شەشۋگە كومەكتەسۋدى سۇرادى. بۇل ورايدا جيىندا بايانداما جاساعان دارىندى قىز بالالارعا ارنالعان قازاق-تۇرىك ليتسەيىنىڭ ديرەكتورى قايرات تايماعامبەتوۆتىڭ دە ۇسىنىسىن ايتا كەتۋ ورىندى سياقتى. ول استانادا ءبىلىم العىسى كەلەتىن, بىراق وعان مۇمكىندىگى جوق, اۋىلدىق جەرلەردە, نە اۋداندار مەن باسقا قالالاردا تۇراتىن دارىندى بالالار ءۇشىن الماتىداعى جاۋتىكوۆ اتىنداعى فيزيكا-ماتەماتيكا مەكتەپ-ينتەرناتى سىندى استانا قالاسىنان دا دارىندى بالالاردىڭ مەكتەپ-ينتەرناتىن اشۋ تۋرالى ۇسىنىسىن ورتاعا سالدى.
كونفەرەنتسيادا استانا قالاسىنىڭ اكىمى ي