يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق. وسكەنباەۆ سىرتقى ەكونوميكالىق كونيۋنكتۋرانىڭ وزگەرىستەرىن ەسكەرە وتىرىپ, قازىرگى تاڭدا ونەركاسىپتەگى جاعدايدى تۇراقتاندىرۋ ءۇشىن ۇكىمەت باعىتتالعان شۇعىل شارالار پاكەتىن قابىلداعانىن ايتتى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ونەركاسىپتگەى جاعدايدى تۇراقتاندىرۋ ءۇشىن ۇكىمەت مىناداي شۇعىل شارالار پاكەتىن قابىلدادى:
- جۇمىس ورىندارىن ساقتاۋ
- ىشكى نارىققا باعىتتالعان جاڭا وندىرىستەردى دامىتۋ (يمپورتتى الماستىرۋ);
- قازىرگى ساۋدا اعىندارىن ساقتاۋ ءۇشىن بالامالى وتكىزۋ نارىقتارىن ىزدەستىرۋ.
سونىمەن قاتار «نۇرلى جول» جانە «نۇرلى جەر» مەملەكەتتىك باعدارلامالارىن ىسكە اسىرۋ اياسىندا وتاندىق كاسىپورىنداردى تاۋارلاردى جەتكىزۋ, جۇمىستار مەن قىزمەتتەردى ۇسىنۋعا بارىنشا تارتۋعا باسا نازار اۋدارىلادى, بۇل قۇرىلىس ماتەريالدارىن ءوندىرۋ, مەتاللۋرگيا, حيميا جانە باسقا دا جاقىن سەكتورلاردا كاسىپورىنداردىڭ جۇكتەمەسىن قامتاماسىز ەتۋگە مۇمكىندىك بەرەدى.
2020 جىلى مەملەكەتتىك باعدارلامالار اياسىندا كەلەسى جۇمىستار كوزدەلگەن:
- تۇرعىن ءۇيدى پايدالانۋعا بەرۋ — 15 ملن شارشى م;
- جولداردى جوندەۋ جانە سالۋ — 2,6 مىڭ شاقىرىم رەسپۋبليكالىق ماڭىزداعى, 4,3 مىڭ شاقىرىم جەرگىلىكتى جەلى.
اتالعان شارالاردى ىسكە اسىرۋ ەسەبىنەن وتاندىق جەتكىزىلىمدەر ۇلەسىن 95% دەيىن ۇلعايتۋ كوزدەلگەن.
ق. وسكەنباەۆتىڭ ايتۋىنشا, مەتاللۋرگيا ونەركاسىبىندە اسا جوعارى ءبولىنىستى تاۋارلار ءوندىرىسىن ۇيىمداستىرۋعا باعىتتالعان شارالار قابىلداناتىن بولادى:
- وتكىزۋدىڭ بالامالى نارىقتارىن ىزدەۋ;
- جوعارعى قوسىلعان قۇنى بار ونىمدەر ءوندىرىسىن دامىتۋ;
- مۇناي كومپانيالارىنىڭ وتاندىق وندىرۋشىلەردەن قۇبىرلاردى ساتىپ الۋى;
- ستراتەگيالىق ينۆەستورلاردى تارتۋ.
«حيميا ونەركاسىبىندە اۋىل شارۋاشىلىعى تاۋارىن وندىرۋشىلەرگە تەك وتاندىق ءوندىرىستىڭ مينەرالدىق تىڭايتقىشتارىنىڭ قۇنىن سۋبسيديالاۋ, لاك-بوياۋ سالاسىن دامىتۋ, قۇرىلىس ماتەريالدارىن ءوندىرۋ جانە باسقا دا جاقىن سالالاردى دامىتۋ ءۇشىن شيكىزات وندىرۋگە دايىن سالا كاسىپورىندارى ءۇشىن مەملەكەتتىك قولداۋ شارالارىن ازىرلەۋ, جارىلعىش زاتتاردى وندىرۋشىلەر, ونەركاسىپتىك حيميكاتتاردى وتاندىق وندىرۋشىلەر اراسىندا ۇلتتىق كومپانيالارمەن, جۇيە قۇراۋشى كاسىپورىندارمەن, جەر قويناۋىن پايدالانۋشىلارمەن ۇزاق مەرزىمدى كەلىسىمشارتتار جاساسۋ مۇمكىندىگىن پىسىقتاۋ ارقىلى وتاندىق كاسىپورىنداردى قولداۋ كوزدەلگەن», — دەدى قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق. وسكەنباەۆ.
ماشينا جاساۋدا مىناداي جۇيەلى شارالار قولعا الىناتىن بولادى:
- سۇرانىستى ىنتالاندىرۋ قۇرالدارى ارقىلى جۇمىس ىستەپ تۇرعان كاسىپورىنداردى قولداۋ كۇشەيتىلەدى;
- وڭىرلىك سەرىكتەستەردىڭ بىرقاتار تاۋارلارعا يمپورتتىق باج سالىعىن تومەندەتۋ, سونداي-اق قازاقستاندىق تاۋارلار ءۇشىن باسقا دا بوگەۋ شارالارىن الۋ ماسەلەسىن ۇكىمەتارالىق تالقىلاۋعا شىعارۋ;
- وتاندىق ءونىمدى رەتتەلەتىن ساتىپ الۋلار ارقىلى ىلگەرىلەتۋ;
وتاندىق اۋىل شارۋاشىلىعى تەحنيكاسىن ساتىپ الۋ كەزىندە شارۋالاردى سۋبسيديالاۋدىڭ باسىم شارتتارىن قامتاماسىز ەتۋ جانە ت. ب.
فارماتسەۆتيكا ونەركاسىبىندە كەلەسى شارالار قابىلدانادى:
- سك فارماتسيا ارقىلى تمككك قازاقستاندىق وندىرىستەرىن ساتىپ الۋ ۇلەسىن ارتتىرۋ (توسەك-ورىن جابدىعى, مەديتسينالىق حالاتتار جانە ت. ب.);
- ومىرلىك قاجەتتى جانە ماڭىزدى دارىلىك پرەپاراتتار تىزبەسىنە ەنگىزىلگەن دارىلىك زاتتاردىڭ قۇنىن سۋبسيديالاۋ.
جالپى, ونەركاسىپتەگى جاعدايدى تۇراقتاندىرۋ ماسەلەلەرى يندۋستريا جانە ينفراقۇرىلىمدىق دامۋ مينيسترلىگىنىڭ تۇراقتى باقىلاۋىندا. سىرتقى ەكونوميكالىق كونيۋنكتۋراداعى جاعدايلاردىڭ ودان ءارى وزگەرۋىنىڭ الدىن الۋ ءۇشىن جەدەل جانە ستراتەگيالىق سيپاتتاعى ءىس-شارالار بەلسەندى قابىلدانۋدا.