حالىقارالىق ايەلدەر مەرەكەسى قارساڭىندا «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامىنىڭ الماتى قالاسى بويىنشا فيليالىندا تابىستى ەڭبەك ەتە ءجۇرىپ, ەل دەموگرافياسىنا زور ۇلەس قوسىپ جۇرگەن كوپ بالالى انالار مەن حالىققا قىزمەت كورسەتۋدە تابىسقا جەتىپ جۇرگەن قىزمەتكەرلەرگە قۇرمەت كورسەتىلدى.
فيليالدىڭ كاسىپوداق كوميتەتى تاراپىنان كوپ بالالى انالارعا سىيلىقتار مەن العىس حاتتار ازىرلەنسە, ۇزدىك قىزمەتكەر-قىزدار «كاسىپوداق قىزمەتىنىڭ دامۋىنا قوسقان ۇلەسى ءۇشىن» توسبەلگىسىمەن جانە قۇرمەت گراموتالارىمەن ماراپاتتالدى.
«مەن 2008 جىلدان بەرى وسى سالادا ەڭبەك ەتىپ كەلەمىن. سودان بەرى ۇجىمىم – مەنىڭ ەكىنشى ۇيىمە اينالدى. بالالارىم دا مەن قىزمەت ەتەتىن ورىندى جاقسى بىلەدى. سەبەبى, فيليال ءبىزدىڭ بالالارىمىزعا دا ۇنەمى مەرەكەلەر جاساپ, ءتۇرلى بايقاۋلار ۇيىمداستىرىپ, سىيلىقتار بەرىپ تۇرادى. مەرەكە قارساڭىندا بىزگە دە قۇرمەت كورسەتىپ جاتىر. ۇجىمنىڭ كاسىپوداق ۇيىمىنا العىسىمىز شەكسىز», – دەيدى بەس بالانىڭ اناسى, مامانداندىرىلعان حقو قىزمەتكەرى قارلىعاش ەرعاراەۆا.
وسىلايشا, مەرەكە قارساڭىندا فيليالدا ەڭبەك ەتەتىن 50-دەن اسا كوپ بالالى انا مەن 20-عا جۋىق ۇزدىك قىزمەتكەر ماراپاتتالدى.
فيليال ديرەكتورى دانيار قىرىقباەۆ حالىققا ءمىنسىز قىزمەت كورسەتىپ, ەلەۋلى ەڭبەك ەتە ءجۇرىپ ەلىمىزدىڭ دەموگرافياسىنا ۇلەس قوسىپ جۇرگەن ارۋ انالارعا العىسىن ءبىلدىردى.
الماتى